طيب الضرب والعنف اللي منستخدمو بتعرف شو تأثيرو ع ابنك او خيك الصغير؟
رح احكيلكن..
من خلال دراسات كثيرة عملوها بعض الباحثين عن ضرب الاطفال خصوصًا بمراحل مبكرة من أعمارهم ، أكدوا أنو الضرب بولد العناد، العدوانية، القلق والاضطرابات النفسية وكمان الاهانة للطفل،
بخليه منطوي ع حالو وبحس بالضعف والتمرد وكثير من الأحيان بيتخذ الكذب اسلوب لتغطية عيوبه..
وبتعرفوا كمان أنو العلاقة بين الطفل وأهله مع الصراخ المستمر والضرب المبرح بخلي العلاقة بينن ما فيها احترام وتقدير.. وكثير من الأولاد بيحكولي أنن بيكرهو أهاليهن بسبب الضرب!!!
طيب رح اعطيكن كم نصيحة جربوا استخدموها مع أولادكن وشوفو إذا فيها إفادة او لا ..
الثقة والحرية المعتدلة : يعني لا نكون كثير صارمين لأن بيتعقد الطفل ولا كثير متحررين بيوصل الطفل لعدم الاكتراث للأهل ( خير الأمور أوسطها) ..
-تنمية المواهب : أسالو ولادكن شو بحبو شو رغبتن ساعدوها لينموها وهون بتكونو حققتو شغلتين دعمتوهن و خففتو من حدية طبعهن.
جربو تاخذوهن أصدقاء الكن وخلي الموّدة أساس علاقتكن.. وبرجع بأكد انا ما عم احكي الحرية اللي بتوصل للانفلات الاخلاقي الحرية المعتدلة..
وأخيراً كنت معكن انا غالية من قسم الدعم النفسي لفريق سوريا التعليمية . تضلوا بخير..
متل معم تضربو طلاب المدارس كلو خرا احلالكن