الرئيسية / التعليم في سوريا / سوريا التعليمية / انت طالب بكالوريا لازم تموت،طبعاً هيك كل العالم بتفكر !!

انت طالب بكالوريا لازم تموت،طبعاً هيك كل العالم بتفكر !!



انت طالب بكالوريا لازم تموت،طبعاً هيك كل العالم بتفكر !!

هلق تعا شوي.. صفون بهالسنة..

– بالمنهاج وصعوبتو
– بحكي العالم
– بمستقبلك
– بكلمة ( بكالوريا )
صفنت؟ ارتعبت؟ قرفت؟
وهو المطلوب..
هلا افتيل عالحيط التاني،وصفون معي..
-المنهاج سهل..اي والله سهل..هلق هوي محتاج وقت وتعب مابقلك لأ..بس العقدة عالنت مابدا وقت وتعب؟
– العالم؟ لقلك شي..الناجح بيحكوا عليه ليقع..ويلي عم يكافح لينجح بيحكوا عليه ليفشل..مو لشي بس هنن عالم فاضية .. عالم بدل ماتتعب وتعمل بصمة لحالا.. قررت تمحي بصمات العالم يلي حوليها..هدول دواهن..انك تتطلع عليهون وهنن عم يحكو وتصفن مع شي غنية براسك وبس يخلصوا..اتطلع بوجهن هز راسك وابتسم..هيك رح تدمرهون وحياتك..
– مستقبلك ؟؟ البكالوريا مو نهاية حياتك .. هي مرحلة..فرصة..وان راحت في غيرا..انت يلي عليك انو تعطي كل شي عندك .. وبس
-( البكالوريا )..هي حرب نفسية..صعوبتا بأنك تتحدى حالك،تطنش العالم،وتكون قوي،وتقوي حالك بحالك،تفائلت شوي؟
يلي خايف .. اتخيل نهار النتائج وقت تشوف نتيجتك متل مابدك .. حسيت بالشعور ؟؟
في ناس رح تحكي وتحاول تأحبطكن ..
في قراب رح يكسروا معنوياتكن بحجة عم يقووكن ..
في رفقات متل الاخوات .. رح يتمنوا فشلكن ..
كرمال هدول الناس .. ادرسوا
كرمالون اتعبوا ..
كرمالون .. كونوا قد البكالوريا …
ليعرفوا انتو مين .. وشو بيطلع معكن ..
اتحدوا حالكن قبل الكل ..
– انا فيي انا بقدر وانا رح حقق ..
ومين قال انو الحلم مابيتحقق ؟؟
احلموا وطيروا بس اوعى تناموا .. لتقعوا ..
اتعبوا لحلمكن يصير حقيقة ..
خلوا حدود طموحكن .. السما ..
وليش لأ ؟؟ رح توصل ..
هي السنة رح تكون أحلى سنة بحياتك .. استغلها بكل لحظة ..
– مشان بالمستقبل ان تطلعت لورا ..
تقول انا عطيت كل شي عندي .. وحلمي ؟؟ حققتوا
– مشان بكرا اذا حدا قلك بيبقى حلم .. ومابيتحقق ..
قلو انا الحلم .. انا يلي كنت قد التحدي .. انا يلي حطيت بصمتي بنص الكون ..
قلو .. انا الحقيقة !

|| موفقيين جميعاً