🚩 أبو كعب ….
👦 : ماما اليوم رفيقي كان عم يخبرني إنّو أخوه معو أبو كعب، شو يعني هاد المرض ماما، ومعقول أنا انصاب فيه ؟؟
👩 : أول شي حبيبي اتطمن مارح تنصاب فيه لإنك آخد كل اللقاحات اللازمة، رح خبرك شو هو أبو كعب اسمو الحقيقي النّكاف، سببو فيروسات وهوي بصيب الأطفال بشكل خاص .
● بصير عندك تورّم بالغدد النكفيّة يلي بتفرز اللعاب بالفم وممكن إنو يمتد لباقي الغدد اللعابية ..
👦 : ماما معقول رفقاتي يلي مو آخدين لقاح ينعدو وينصابو فيه ؟!؟
👩 : طبعاً، المرض معدي، ممكن ينتقل من خلال رذاذ الأنف أو بلعوم الطفل المصاب ضمن الحضانة أو المدرسة 💔 .
● لهيك من الضروري إنو نعزل المصابين فيه وكمان لازم رفقاتك وكل الأطفال ياخذو اللقاحات اللازمة كلها 💉 .
👦 : طيّـب .. كيف بعرف أنو رفيقي مصاب ؟!؟
👩 : الشخص المصاب رح تظهر عندو عدة أعراض خفيفة، لحد ما نوصل لـِ :
● الحمى 🤒 .
● الصداع .
● التعب العام .
● نقص الشهية .
● وكمان بتترافق مع ألم بالمضغ أو البلع خاصة مع أكل الحامض .
👦 : في دوا لهادا المرض ماما ؟!؟
👩 : أكيد حبيبي، لنخفف من آلامو فالأطباء بينصحو بـِ :
● خافضات حراراة .
● إعطاء الطفل أغذية مابتحتاج للمضغ أو ممكن السوائل لإنو فتح الفم وإغلاقه رح يسببلو ألم كثير 💔 .
● وهـلّا صـار دوري، بدي أطلـب منك بكـرا تخبّـر كل رفقاتك أنو لازم ياخدو اللقـاح تبع هاد المرض وغيرو من الأمراض .
👦 : حاضـر مامـا ❤ .
● إعداد : د. ربــا رعــد .
مــــيددوز ~ مـــــصدرك للـــــمعلومات الـــــطبية الــــــموثوقة 🛡 .
مواضيع صحة الاسنان والفم