خدلك هالسيجارة يا كبير، بس لا تشعّلها لحتّى نخبرك هالكم معلومة عن مضار التدخين …!!
وين ما رحنا ووين ماقعدنا منسمع عن أضرار التدخين
وخصوصاً من جماعة أنا مابدخن و لا بأركل… 😂
بس ياترى نحن منعرف عنجد شو مضار التدخين ع الصحة الفموية !!
التدخين بشكل شرِه رح يسببلك :
⚠️ تصبّغات شديدة باللثة و عَ الأسنان ومع الوقت بصير صعب التخلص منها …
⚠️ حروق باللثة بسبب درجة الحرارة العالية الصادرة عن السيجارة و هيّ على تماس مباشر مع لثتك…
⚠️ أمراض بتصيب اللثة، بينتج عنها فقدان بالأسنان والتهابات لثوية…
⚠️ تأخّر شفاء الجروح بعد القلع…
⚠️ التهابات بتصيب مكان القلع وبكون الألم فيها لا يُحتمل
⚠️ رائحة فم كريهة…
⚠️ وما مننسى الدور الكبير للتدخين كعامل مؤهب للإصابة بسرطان الفم…
🔰 وأخيراً منحب نقلكم انو التدخين بأثّر على كل أجهزة الجسم لهيك لازم نبتعد عنو حفاظاّ على صحتنا وصحة الناس لقراب مننا…
لهيك لا تشعّلها وردها لمحلها… 😌
● إعداد وتحرير : د. رامه جبري
● المصدر العلمي :https://bit.ly/3gVxnDn
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم