أنا ركبت تقويم أسنان وصرلي 3 ايام ما فارقني الوجع وحتى مو قادرة استطعم الاكل ، وعم يتجروح خدي من كومة هالحدايد يلي بتمي .
⛔ للأسف هي أكثر مشاكل التقويم ب الاجهزة الثابتة يلي بتتضمن حاصرات وأسلاك هي يلي بتعمل الجروح بالخد .
⚠️ لكن العلم بتطوره الدائم مارح يتركلنا مجال لحتى نقول( اخخ )
حيث ظهرت تقنية حديثة من التقويم تسمى :
[ التقويم_الشفاف ]
⛔ تقويم وشفاف❗كيف يعني ❗
التقويم الشفاف يعتبر أحد حلول تقويم الأسنان التجميلي يعني بحافظ على ابتسامتكن الحلوة خلال فترة العلاج .
🔰 بتكون الراصفات فيه شفافة ونستطيع إزالته بأي وقت [ غير ثابت ] .
⛔ شو هي المادة المصنوع منها ‼️
تقويم الأسنان الشفاف هو عبارة عن سلسلة من قوالب متتالية مصنوعة من مادة [ الكربونات المركبة ] ،
•• هي مادة شفافة غير مرئية ومريحة يعني متقبلة حيوياً وقابلة للتشكل حسب القياس المطلوب ،
•• بتتثبت على الأسنان لفترة زمنية [ يحددها الطبيب ] ، ويتم تبديلها بعد انتهاء كل فترة .
⛔ هي القوالب شو فائدتها ‼️
من خلال هي القوالب يتم تحريك الأسنان بشكل بسيط وبدون ألم لأن القوى المطبقة خفيفة ,
يتم التحريك بشكل تدريجي للوصول لوضع افضل من السابق حتى الوصول للوضع النهائي من العلاج .
🔰 ومشان الاكل فينك تاكل شو مابدك ، لكن يجب إزالة الراصفة قبل تناول الطعام .
⛔ طيب معقول التقويم الشفاف فائدته تجميلية فقط ‼️
اكيد لا ، التقويم الشفاف بالإضافة للناحية التجميلية هو بساعد أكثر لتحافظ على الصحة الفموية من خلال التفريش الصحيح واستخدام الخيوط بين سنية يلي ما منقدر نستعملن بالتقويم الثابت .
🔰 بالنسبة لمدة المعالجة فهي بتعتمد على سوء ارتصاف الأسنان،
لكن عادةً بتترواح بين ( 3 إلى 30 شهر ) .
🔰 وأكيد لازم نخبركن بأنو التقويم الشفاف شوي *غالي
وتقتصر معالجتهُ على الحالات البسيطة والمتوسطة .
✨ وهلا خبرونا اذا حاطين تقويم شو نوعو ؟ ومن شو لسا عم تعانو ؟
تضلوا بكل خير وصحة ♥️
● إعداد : د. عمرو فهد هنيدي {اختصاص تقويم الفكين والأسنان }.
تحرير : د. رغد يوسف بالوش
● المصدر العلمي :Aligners: The Science of Clear Orthodontics
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم