بالمقابل مثلاً بتشوف وردة ميالة مثلاً يعني أفي أكبر من وردتها، ما بيجي عليها النحل لأنها منظر عالفاضي خالية من العطر والعبير.
الطبيعة بتحكي لتعلّم أنو الجمال بيكمن بالأشياء المخفية اللي ما بيلتفتلها حدا. وأنو المظاهر خدّاعة كتير ياما انخدعنا بأصحاب شهادات فظيعة وهنن من جوا خواء يدور في خواء.
بالمقابل، بتتأمل بتشوف النحلة من زهرة لزهرة الوردة اللي بتلاقي فيا رحيق بتاخد منها وبتطير وإذا غطّت عزهرة مافيها رحيق ما بتئذيها. بتروح..
النحلة يمكن محدا ينتبهلا، على عكس الفراشة، الفراشة لا بتلم رحيق ولا بتعمل عسل، بتتنقل من زهرة لزهرة وهيهات بعمرها تعمل عسل، بتغرّك ألوان جناحاتا وبتغريك وبتعجبك أشكالها بس بالحقيقة ما بيطلع منها شي.
هية الطبيعة لحالها بتعلّمك، مليانة صور ليلي بيبصر بس.
المظاهر خدّاعة يا جماعة، وإذا بيوم انخدعتو بحدا لمجرد شفتو منو عمل منيح.. فهو للأمانة حتى المزابل بيجي عليها فترة بالربيع بأول الربيع..
بيطلع عليها عشب عجيبة وورد وأحيانا بتلاقي طالع عليها كم شتلة بندورة شي أحمر متل الدم، بس المزابل ما فيها مي سقف هالفترة العطاء لبتمر عليها أسبوعين ١٥ يوم وعمر هالنبات لبيطلع عليها قصير كتير فورا بييبس وبيموت..
إذاً.. حتى لو عطت هالمزبلة شي حلو فهو زائل.. وهاد ما بيغير حقيقة أنو طالع عالمزابل..
حكم عميقة وحقيقة..
د. مايا معلا
يا صباح الخير، برأيكم لأي مدى ممكن المظاهر تخدعنا⁉️
(سماعة حكيم)