تذكروا أنو هالكم يوم يلي جايين هنن الجسر يلي ح يغير حياتكن..
حبوا الشي يلي عم تعملوه.. اسعوا بعلاماتكن لتوصلوا للحلم يلي رسمتوه أنتو و أهلكن
ياجماعة كتير صعب تدخلوا فرع مو حابينه..يمكن سهرة وحدة او ساعة دراسة تأهلك لتصير بالمكان يلي بدك ياه.. ماتفكروا إعادة السنة سهلة لا أبداً…
يعني ماتتهاونوا بهدول ال 35 يوم صدقوني قادرين توصلوا لأعلى فرع بتحلموا فيه..الأصدقاء والنت والسهرات مع العيلة كلهن بيتعوضوا بس الساعات الفاصلة بحياتكن هلأ ما بتنعاد..معلش حتى لو تعبتوا خدوا استراحة..كافئوا حالكن بشي بتحبوه وقت تأنجزوا بدراستكن
يعني خدوها ع مبدأ الأكل..أدي فرق بين تاكلوا طبخة بتحبوها وطبخة مابتحبوها..
ح توصلوا لنهاية الطريق..سعيكن ما بروح هيك
أنتو قدها وح تنجحوا وتفرحوا أهلكن وترفعوا راسكن وراسهن
بالتوفيق يا أمل بيوتكن وأملنا كلنا