●»» حديثنا عن الصنف الخامس ما خلص ..
حكينا بالبوست السابق عن ترميم الصنف الخامس بالأملغم .
ورح نحكي بهالبوست عن ترميم الصنف الخامس بالكمبوزيت .
و يلا عالسريري 💪
⛔ الإجـراءات :
⚠️ أولاً التخدير الموضعي :
▪️حسب اذا كان النخر عميق لازم نخدر بينما اذا كان سطحي مالنا بحاجة تخدير.
⚠️ ثانياً العزل :
▪️اللفافات القطنية .
▪️خيوط التبعيد .
▪️الحاجز الماطي [ بترميم الصنف الخامس بالكومبوزيت نحنا بحاجة الحاجز المطاطي ] .
▪️ماصات اللعاب.
⚠️ ثالـثاً التـحضير :
●»» التحضير التقليدي المشطوب :
▪️نحضر باستخدام سنبلة كروية ماسية أو كاربايد}.
▪️تكون السنبلة عمودية نحدد عمق بدئي 0.2 ضمن العاج وبعمق كامل يكون بين 0.75 و 1.25 ملم حسب سماكة المينا.
▪️يجب أن يكون الجدار المحوري مساير لميحط السن الخارجي .
▪️وهون لازم نشطب جميع الجدران باستثناء الجدار اللثوي يكون الشطب بسنبلة مدورة أو لهب شمعة بزاوية 45 درجة، وبعرض 25.0 – 5.0 ملم .
●»» وفي كمان عنا التحضير المعدل :
▪️هو أكثر النماذج مستخدمة يستطب لتحضير النخور الصغيرة والمتوسطة .
▪️لا يتطلب تحضير الجدران لتأخذ شكلا معيناً .
▪️وبكل أنواع التحضيرات بكون عم جرف نخر بسنبلة مجرفة العاج ع قبضة الميكرتور بسرعة متوسطة مع تبريد هوائي.
⚠️ رابـعاً : تنظيف الحفرة وتطهيرها :
▪️نظف الحفرة بتيار من الماء والهواء للتخلص من الجزيئات وبقايا التحضير.
⚠️ خامساً: حماية اللب:
لما بدك ترمم كومبوزيت حماية اللب بتكون كالتالي :
▪️الحفر الضحلة والمتوسطة بالكومبوزيت مالي بحاجة لمادة تبطين النظام الرابط بكفي.
▪️اما اذا كان حفرتك عميقة فأنت هون لازم طبق ماءات كالسيوم وفوقا gic زجاج شاردي وبعدين بترمم كومبوزيت.
وهلا صار عنا حفرة معزولة ومحضرة ونظيفة، وعملنا تبطين اذا كنا بحاجة، وصار وقت الترميـم .
⛔ ترميم كومبوزيت :
●»» أهم شي نكون عازلين بحاجز مطاطي.
▪️تطبيق المخرش حمض الفوسفور تركيز 37% لمدة 15 ثانية ع العاج و30 على المينا.
▪️منغسل بشكل جيد حتى يزول كل الحمض، منجفف⬅️ نلاحظ المظهر الطبشوري.
▪️منطبق بوند بفرشاية البوند ومنصلب 20 ثانية.
▪️ومنبلش تطبيق الكومبوزيت على شكل طبقات صغيرة ما تتجاوز 2 ملم كل طبقة بأداة حشو مواد لينة. ومنصلب 40 ثانية، وهيك بتمتلئ الحفرة ومنكون رجعنا شكل السن.
▪️وهلا بتشيل الحاجز المطاطي.
▪️ومنجي أخر الشي على الانهاء والتلميع، مننهي بواسطة سنابل انهاء الكومبوزيت وبعدا أقراص الزجاج متدرجة الخشونة وأخر الشي التلميع بأقراص مطاطية متدرجة الخشونة.
▪️لنحصل على سطح ناعم ولماع😌
▪️في شغلة اسما Rebonding يعني اعادة ربط، هي بس تخلص كلشي على النهائي بتحط طبقة بوند وبتصلبا فوق الترميم النهائي بتعطي ختم اكتر وبتحافظ على الحواف.
وهيـك … منكون خلّصـنا الصنف الخامس 💪
بالتوفيق يا أبطال 👌
جاهزين لأي استفتسار 👍
الميددوز منكم وإلكم ..❤..
إعداد وتحرير : د. روه ني آله رشي .
مــــيددوز ~ مـــــصدرك للـــــمعلومات الـــــطبية الــــــموثوقة 🛡.
مواضيع صحة الاسنان والفم