🚩 الأزمـات القلبيـة لا ترحم الشبـاب ..
اليوم كان حزين و مُتعب من بدايته ..
أول حالة دخلت على الإسعاف كانت لشاب عمره 24 سنة ..
الشاب وصل لعنا مــتوفــي نتيجة أزمـة قلبيـة !!
كل محاولات الإنعاش فشلت .. وتم إعلان وفاته بشكل رسمي من قبل الطبيب الشرعي ..
الشاب ما كان بعاني من أي مشاكل صحية ؛ وأهله لحد الآن مفجوعين بأبنهن يلي كان مبارح سهران معهن وعم يضحك !!
يمكن هالضحكة ماكانت من قلبه .. وكان مخبي حزن و ضغط نفسي كبير ليسند أهله ..
حالات الأزمات القلبية عند الشباب والأعمار الصغيرة باتت مُخيفة !
التعب ماعم يكون مجرد تعب نفسي ..
حتى أجسادنا عم تنهار ..
ما فينا ننكر تأثير المحيط و الوضع العام ..
لكن خلونا نهونها على بعض !
كلنا تعبانين وكلنا مقهورين وضايعين .. وكلنا بلحظة ما محتاجين سند أو كلمة تطبطب علينا ..
لا تستهانوا بتأثير هي المواقف الصغيرة .. والله إنها بتسند الروح !
صحتكم بالـدنيا .. وفداكم الـدنيا بما فيها
انتبهوا على الناس يلي بتحبوها وعلى حالكم ..
الضغط النفسي يلي عم نعيشه يمكن ما بتعالجه المحبة و الكلمات
لكنها حُكماً بتخففه بلحظة ما ..
كان الله بعون الجميع ..
والرحمـة والراحـة للشاب يلي ماشاف من الدني شي
والصبـر والقـوة لأهله المفجوعين ..
د. علي محمد – Dr.Ali Mohammad
🚩 منظمة مـيددوز – مصدرك الموثوق للمعلومة الطبية
(ميددوز)