🚩 ماذا تعرف عن الغذاء الصحي ؟!؟
كلنا منعرف تأثير النظام الغذائي ع صحة الجسم العامة، الوزن، الطاقة، وخطر الإصابة بأمراض معينة👌
بس اللي ما منعرفو✋ أنو الأسنان هي من الأعضاء الأكثر تأثراً بالغذاء اليومي …
تعوا نخبركن ببعض العادات الخاطئة اللي كلنا منعملها وكيف ممكن نخفف من خطورتها 👇
⛔ الأكل بين الوجبات :
⚠️ مارح نقلك لا تاكل ..لا، بس خفف عدد هالوجبات واعرف شو تاكل، حاولوا تختاروا الأكل الصحي والمفيد لأسنانك وجسمك…
لهيك نحنا مننصحكن بالـ[ #الفواكه، #المكسرات، #الجبن ] .. وحاول تبتعد عن الحلو و الشيبس .
⚠️ مهم نعرف أنو حتى الأكلات المغذية ممكن تضر سنانك إذا كانت حامضية متل البندورة أو الفواكه الحمضية لهيك حاول تاكلا مع الوجبات مو لحالها .
⛔ السكريات المصاص والكراميل والبسكويت :
العدو الأكبر لأسنانك لهيك حاول تقسي قلبك وتبعد عن الحلو (السكر بيلتصق ع الأسنان الباكتيريا بتتغذى عليه وبيزيد نشاطها وأذاها للأسنان) .
خلونا نستخدم بدائل السكر متل السوربيتول و الإسبارتام .
وفي حال حبيت تدلل نفسك ما الك إلا العلكة الخالية من السكر.
⛔ طيب جوعااان شو آكل ؟!؟!؟
⚠️ عليك بالكالسيوم 😎 : [ #حليب، #جبن، #لوز، و #خضار ورقية ]
⚠️ بروتين و فوسفور : [ #سمك، #لحم، و #بيض ]
⚠️ خضار وفواكه : تحوي [ #ماء، #ألياف،
#فيتامين (أ و ج) المهمين للثة والأسنان، كمان بزيدو إنتاج #اللعاب اللي بيحمي الأسنان وبيغسلها من الحموض وبقايا الأكل👌 ]
⚠️ الماء طول اليوم وكل ما فيك.
والأهم من هاد كلو أنك تفرشي أسنانك مرتين باليوم لمدة دقيقتين .
تضلوا بخير وابتسامة حلوة تنور وجوهكم ❤️.
● إعداد : د. لجين عماد الحسين.
● تحرير : د. آيـة معــن محـمـود.
● التدقيق العلمي : د. أسمـاء جـمال .
● المصدر العلمي :
https://bit.ly/3fs40qY
https://bit.ly/3p5Gvar
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.
مواضيع صحة الاسنان والفم