– ابني طلعوا سنانوا بالست شهور يقبرني 😌
– حبيبتي انا ابني خلق و بتمه سنان 😏
ممكن نفكر انه الأم التانية عم تألف حكي .. بس هي الحالة موجودة و هدول الأسنان منسميهن الاسنان الولادية 🦷👶 Natal teeth
شو يعني أسنان ولادية ؟
متل اسمهن .. هي أسنان بتكون موجودة من خلقة البيبي.
بتختلف عن الأسنان الطبيعية بوجود نقص بتطورها (الجذور الضعيفة)..
أما شكلها فغالبا بيشبه الاسنان الطبيعية..
ولكن ممكن يكونوا مقلقلين و أصغر و لونهم يميل لل اصفر او البني
يتم تشخيصها كما يلي…
عند طبيب/ة الاسنان، يلي رح يطلب مننا صورة شعاعية🎞️ لنقدر نعرف حالة الجذر و العظم و اذا هالسن مؤقت أصلي أو سن زائد عن عدد الأسنان الطبيعية.
و أخيرا.. لازم نعرف شو هي خطة المعالجة المناسبة لكل حالة.. واللي بتتناسب مع حالة البيبي وكذلك الأم ..
⚫ممكن ما يكون في أي حاجة لمعالجة أو أي شي ينعمل🆒
⚫ في حالات لما السن بكون متقلقل بشكل كبير لانه الجذر ضعيف و غير متطور بشكل كافي ليحمل السن منيح⛔ , هون لازم ينقلع السن لتقليل خطر البلع، او اندخال الجذر ضمن المجاري التنفسية للبيبي و بالتالي حدوث مشكلة خطيرة ❗❗
⚫في حال كان عم يأذي لسانه او يزعج الام وقت الرضاعة , ممكن يتم تنعيم طرف السن الحاد عند الطبيب/ة . 👩⚕️👨🏽⚕️
شو هيي المضاعفات المحتملة لهي الاسنان ؟
١-مشاكل مع الرضاعة الطبيعية , لانه ممكن البيبي يعض حلمة الثدي و يأذيها اذا كان السن طرفه حاد😥
٢-اذية للسان😥
٣-احتمال خطورة انه يبلع السن اذا كان متقلقل او انكسر.
لكل الأمهات الجداد .. منتمنالكم رحلة حلوة مع البيبي مليئة بالصحة والعافية ❤😌
◼️اعداد: د. ريام النجار
◼️المصدر : university of Rochester NY, health encyclopedia
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم