مادة جديدة .. وانطلاقة مفعمة بالحماس ..
يلا عالسريري رح يضل معكم لآخر مادة ولآخر استفسار ..
أهلا بكـم في كــوكـب … 👇…
[ #التخدير_والقلع ]⛔ مدخل وتبسيط للمادة :
● متل ما منعرف نحنا رح نقلع أسنان مش ننزع قلوب 😉، لهيك أول سؤال هوي ..👇..
🔴 ايمتى منقول أنو هالسن لازمو قـلع ؟!؟
● [ #استطبابات_القلع ] :
⚠️ السن المتهدم، وغير القابل للترميم، والسن المصاب بنخور معممة .
⚠️ السن مسبب للمريض خرّاج أو آفة بؤرة انتان بالفك [ الإنتان كبير و مابيتعالج ] .
⚠️ السن محاط بكيس أو ورم .
⚠️ الأسنان اللبنية المتقلقلة ويلي تأخّرت لتسقط [ مع الانتباه لضرورة التأكد من وجود برعم السن الدائم تحتها ] .
⚠️ الرحى الثالثة لما انطمارها يسبب تخرّب كبير بالعظم، متل لما تعمل كيسة أو لما يكون بزوغها عم يسبب تآكل مادي بالرحى المجاورة لها .
⚠️ قلع الأسنان لأسباب تعويضية، متل بقاء سن متقلقل والمريض أدرد يريد تركيب تعويض متحرك كامل .
⚠️ قلع الأسنان لتصحيح سوء الإطباق .
⚠️ أسنان منطمرة أو زائدة .
⚠️ قلع الأسنان بدوافع تقويمية أو تجميلية، متل ازدحام الأسنان نتيجة كبر حجم الأسنان أو صغر حجم الفك فـَ بالتالي منقلع ليصير عنا مساحة كافية لرصف الاسنان في القوس السنية متل [ قلع الضواحك بالفك العلوي ] .
⚠️ قلع الأسنان عندما تكون واقعة في خط الكسر .
⚠️ قلع الأسنان عند إصابتها بكسر عمودي [ كسر على كامل طول الجذر ] .
⚠️ عند فقد الدعم حول السني [ الآفات الرعلية ]، أو الحركة من النموذج ٣ [ الحركة واضحه بالعين المجردة بشكل كبير و عم تكون بكل الجهات دهليزي و انسي ووحشي و لساني و عامودي ] .
🔴 ايمتى يُمنــع القلــع ؟!؟
● [ #مضادات_الاستطبابات ] :
⚠️ مريض الديلزة [ #غسيل_الكلى ] :يؤجل لليوم التالي للغسيل … اصحك تقلع لهل المريض بنفس اليوم أو دون استشارة الطبيب يلي عم يتابع عندو …
⚠️ [ #المرأة_الحامل ] : يفضل عدم القيام باجراءات القلع والمعالجة السنية لما بعد الولادة، ولكن يمكن انجاز بعض المعالجات الخفيفة ضمن الثلث الأوسط للحمل الأشهر 4 – 5 – 6
⚠️ المرضى المعرضين [ #لاحتشاء_عضلة_قلبية ] : يُفضل الانتظار لـِ 6 أشهر [ كمان هون بدنا استشارة طبيب القلبية حكما ] .
⚠️ مرضى [ #السكري_غير_المضبوط ] : يُـفضل الانتظار حتى استقرار النتائج ومستوى السكري .
⚠️ المرضى المعرضين [ #لمعالجة_شعاعية ] : يفضل الانتظار بين 6 -12 شهر .
⚠️ [ #الصحة_الفموية_السيئة ] : وتراكم القلح [ بهالحالة يفضل إجراء التقليح سابقاً، ثم اجراء القلع لتجنب التهاب السنخ ] .
⚠️ التهابات الفم القلاعية .
⚠️ الخراجات الحادة [ يفضل تهدئة الخراج ثم القلع ] .
⚠️ الأيام الأولى من الدورة الشهرية .
⚠️ أمراض عامة دموية وقلبية .
⚠️ إمكانية ترميم السن .
⚠️ المرضى الذين يتلقون علاج مميع الدم .
● هيـك منكـون تعرفـنا ع الاستطبابات ومضاد الاستطباب ..
وهـلا بلش الجــد .. مبـادئ القلـع البسـيط :
1️⃣ [ #طمأنة_المريض ] وشرح خطة العمل لتخفيف التوتر .. وهي الخطوة الأهم 👍 .
2️⃣ [ #تشريح_السن_المراد_قلعه ] مهم جدا نعرفو .. لأن طرق القلع تختلف باختلاف شكل السن .
3️⃣ [ #الفحوص_السريرية_والشعاعية ]، مهمة جدا لأنها تؤكد استطباب القلع، وتعطي فكرة عامة عن وضع السن بالنسبة لمجاوراته .
4️⃣ [ #تحضير_المريض ]، يعني تعطي المريض مضامض فموية لتطهر الفم قبل القلع، وتضبط وضعية الكرسي ووضعيتك ووضعية مريضك رح نفصل هالموضوع لاحقا😉 .
🔴 الخطوات الرئيسية بشكل عام هي :
⚠️ قطع الرباط السني وتطبيق قوة ثابتة على السن وليس قوة مفرطة (تكون الكلابة والسن كقطعة واحدة) .
⚠️ قلقلة السن وتوسيع السنخ ثم قلع السن من سنخه .
⚠️ قد نضطر لإزالة جزء من العظم حول السن أو تجزئة السن وفصل جذوره ثم قلعه .
🔴 وضعية المريض والكرسي :
⚠️ [ عند قلع سن من الفك العلوي ] :
● يجب ان يكون فم المريض بمستوى كتف الطبيب .
● الزاوية بين الارضية والكرسي ١٢٠ درجة تقريباً .
● أيضا السطح الاطباقي للفك العلوي بزاوية ٤٥ درجة مع الأُفُق عندما يكون الفم مفتوحاً .
⚠️ [ عند قلع سن من الفك السفلي ] :
● الكرسي بوضعية أخفض من السابقة وعلى مستوى مرفق الطبيب .
● الزاوية بين الكرسي والأُفق تقدر ب ١١٠درجة .
● السطح الاطباقي للفك السفلي موازي للأرضية عند فتح الفم .
🔴 وضعية الطبيب يلي لازم تاخدها لتتحكم منيح خلال القلع :
⚠️ الطبيب امام ويمين المريض :
● يمكن قلع اسنان الفك العلوي الأمامية والخلفية .
● وأسنان الفك السفلي الخلفية بجهة اليسار .
⚠️ الطبيب خلف ويمين المريض :
● الأسنان الخلفية بالفك السفلي من جهة اليمين .
وهيـك منكـون حكيـنا عـن المبادئ العامّـة بالتخديـر والقلـع …
تابعـونا بالبوستـات القادمـة لنحكـي أكـتر عن الأدوات، وغيرها ..
جاهـزين لأي استفـسار .. تبقـوا بألــف خيــر ..♥️..
● إعــداد : د. عــلي ديــوب .
مــــيددوز ~ مـــــصدرك للـــــمعلومات الـــــطبية الــــــموثوقة 🛡 .
مواضيع صحة الاسنان والفم