🚩 جوابنا لَسؤال مبارح:
🙍🏻♀️ كتير عم يوجعني ضرسي يا الله و مترددة روح لعند الدكتور … 🙁
💁🏼♀️ لك شو بدك بالدكتور خديلك هالسيجارة دخنيها ع جهة الوجع وشوفي شلون بتطيبي… 😎
🤦🏽♀️👩🏽⚕️ ويت ويت عنجد عم يحكوا هدول😳!!!
للأسف اي في بعض الناس عندهم قناعة بانو التدخين بعالج ألم الأسنان… وطبعاً هاد اعتقاد خااطئ ❎…
بس يللي فينا نقولوا أنو النيكوتين الموجود بالتبغ و المستنشق مع الدخان هوي المسبّب لهاد الاعتقاد… وبيشتغل شغلو بجسمنا ل يسببلنا( شعور بالسعادة ويعززلنا الطاقة النفسية الإيجابية ويخلينا نهدا) وهالشي مؤقت وبدوم لدقائق معدودة اعتماداً على جرعة النيكوتين 🤷🏽♀…
☝🏻بس هاد بينعكس سلباً علينا بناحيتين❕❕
🔹الأولى انو الجسم بصير يطلب جرعات نيكوتين زيادة وهاد الشي ممكن يقودنا للإدمان وكلنا منعرف تبعات الإدمان الوخيمة😔…
🔹والتانية تأثير الدخان عالوسط الفموي جداً مضر وممكن يلعب دور ك عامل مؤهب أو مسبب للعديد من الأمراض الفموية بالإضافة ل تلوين الأسنان في ظل غياب التنظيف الفموي وهاد رح ينزعلنا الابتسامة… 💔
🔰لهيك لازم نخلي الطبيب هوي صاحب اليد العليا بعلاج اي ألم سني😌…
واذا كان الوقت غير مناسب فنكتفي بتناول مسكن آلام خفيف أو قوي تبعاً لشدة الألم…
ودمتم أنتم واسنانكم بكلّ خير😌❤️…
● إعداد وتحرير :
د. زينه سليمان يوسف د. مهنّد مالك حمود
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم