قوّيها بالشّدة ما مننزل إلّا بقتلة…
او ممكن نفلت من المرجوحة ومو شرط ناكل قتلة لننزل😂
ولأنو العيد فرحة كبيرة للأطفال، لاتنسوا تكملوا هالفرحة بمزيد من الحذر…
🔰 تحت عنوان ما عندك وقت لتفكّر فوراً طبّق
أي حدا منا معرض يكون حاضر على سقوط طفل أثناء اللعب أو حادث سير خفيف .. و بما أننا «بكل خبطة منبوس الأرض😗» .. فكسر السن أو اقتلاعو بالكامل خلال هذه الحوادث اللئيمة شائع جدا ..
⛔ شو لازم نتصرف، بالوقت المناسب (أقصى سرعة ممكنة)
في حال انقلع السن بشكل كامل مع الجذر ؟!؟
⚠️ الحذر في التعامل مع السن، أمسك السن من الأعلى ( التاج) ، لا تلمس الجذر أبدا ممكن يتلف السن.
⚠️ إذا توسخ السن بأي شي، يمنع منعاً باتاً غسل السن تحت صنبور الماء، ولا تفرك السن لإزالة الرواسب و الأوساخ، هالشي رح يخلي احتمال بقاء السن على قيد الحياة صغير .خليه لطبيب الأسنان هوي بيتعامل مع السن .
⚠️ حاول إعادة السن لمكانه في حال كان المريض بالغ،
أما في حال كان طفل وسقط سن مؤقت احذر ترجعو لمكانو ممكن تأذي السن الدائم اللي تحتو .
⚠️ في حال ما قدرنا نرجع السن لمكانو داخل الفم، حطو بكاسة حليب فورا، إذا ما عندك حليب ضع السن في الفم ، بين الخد واللثة يعني احفظو باللعاب .
الطفل الصغير ما فيه يحط السن بتمو بدون ما يبلعو .. لذلك ، نجعل الطفل يبصق في كأس ومن ثم نضع السن في الكأس مع اللعاب. المهم، نحافظ على رطوبة السن، لبين ما وصلنا لعند الطبيب، والوقت اللي معك من 30 لـ 60 دقيقة فقط .
⚠️ في حال كان عنا نزف منحط قماش أو شاش ومنطلب من الشخص المصاب يعض عليها .
انشالله ما بتنحطو بهيك موقف … بس لازم نعرف نتصرف وما نتلبك الدقيقة محسوبة .
أسرة منصة صحة الفم السورية – MedDose Dentistry تهنئكم بعيد الفطر المبارك وكل عام وأنتم بألف خير ♥.
● إعـــداد وتحـريـر : د. آيـة معــن محمود.
● المصــدر العلمي : https://mayocl.in/3fylVN1
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم