عُـدنــا إليـكم مـن جـديــد ~ يلا عالسريري
اعرف أكثر عن التعويضات المتحركة الجزئية
⛔ كيف بعرف أنو هاد المريض بحاجة لجهاز متحرك جزئي؟
⚠️ مسافة الفقد للأسنان كبيرة (٣ أسنان وأكتر)
⚠️ ماعنا دعامة خلفية لمسافة الدرد (غياب الأرحاء )
⚠️ الأسنان المتبقية في الفم دعمها العظمي ضعيف وبالتالي هي لا تتحمل جسر وقد تقلع
⚠️ مريض بيعاني من مشاكل جسدية مابيتحمل الجلسات الطويله لتحضير جسر ثابت.
⚠️ فقد رحى أولى وتانية
⛔ تصنيف الفقد:
هاد التصنيف لأقواس الدرد الجزئي هو تصنيف إدوارد كيندي مندلعوا بتصنيف كيندي للفقد 😆
⚠️ الصنف الأول: فقد خلفي حر ثنائي الجانب ( مثل فقد الأرحاء بالطرفين بالفك العلوي أو الفك السفلي
أو فقد أرحاء وضواحك بالطرفين )
⚠️ الصنف الثاني: فقد خلفي حر أحادي الجانب ( متل فقد أرحاء أو أرحاء وضواحك بطرف واحد بالفك العلوي أو السفلي)
⚠️ الصنف الثالت: فقد محصور في جهة وحدة من القوس السنية (متل أمام وخلف مكان الفقد عنا أسنان طبيعيه والمنطقة بالنص بينن)
⚠️ الصنف الرابع: فقد أمامي محصور بيجتاز الخط المتوسط (متل فقد الرباعيات والثنايا يمين ويسار لأن الصنف الرابع كمان ثنائي الجانب)
⛔ طيب إذا كان عندي فقد بالأرحاء مع وجود الضواحك والأنياب وفقد ثنايا شو بعمل؟!!
⚠️ بصير عنا شي اسمو التعديل : هو كل منطقة فقد إضافية مابتتعلق بعدد الأسنان المفقودة يعني بقول عن الحالة السابقة صنف أول تعديل ١
⛔ طيب ليش قلت صنف أول تعديل ١ مو صنف رابع تعديل ١ ؟!!
⚠️ أول شغلة الصنف الرابع مابيتعدل و بيتحول لصنف تالت.
⚠️ تاني شي النموذج او الصنف بيتحدد بمنطقة الدرد الأكثر خلفية.
⛔ وآخر ملاحظة وهي مهمه جداً أن النموذج والصنف بيتحدد بعد قلع الأسنان يلي بحاجة لقلع.
و هيك منكون صرنا قادرين نشخّص للمريض التعويض الجزئي المتحرك المناسب
🔰لا تنسوا تخبرونا شو عندكم استفسارات وأسئلة ..
● إعداد وتحرير : د. رامه جبري.
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم