الدنيا دوّارة ~ من سنين وسنين كانوا تيتا وجدو يعتنوا فيك منيح، لكن هلا صار دورك !!
ولأنك طبيب أسنان؛ خلي عنايتك بصحتهم الفموية تبلش من تعويضهم المتحرك…
معناها يلا عالسريري لنشرحلك أكتر عن مادة التعويضات المتحركة :
⛔ التعويضات المتحركة في الها نوعين جزئية و كاملة
⚠️ الجزئية بتعوض عن فقد بعض الأسنان ( ٣ على الأقل) سواء كانوا أسنان أمامية أو خلفية و ممكن يكون الفقد بفك واحد أو بالفكين (وحنحكي عن تصنيف الفقد بالبوستات الجاية😎).
⚠️ أما الكاملة فهي بتعوض عن فقد كامل الأسنان بالفك الواحد أو بالفكين سوا…
⛔ شو حتشتغل إذا كنت سنة رابعة ؟
⚠️ ح تشتغل تعويض جزئي ممكن بفك واحد وممكن بالفكين…
⛔ طيب شو بتحتاج مواد ؟
⚠️ الألجينات: بقى هي ملعبك عايرها و مزجها و حطها بطابع يناسبها.
⚠️ طوابع بمختلف القياسات.
⚠️ ألواح شمعية ( اختار نوعية منيحه الدنيا جايه عبرد )
⚠️ قنديل وكحول أزرق.
⚠️ قلم كوبيا
⚠️ كجة مع ملوقة معدنية لأن أسهل للمزج
⚠️ مطاوي معدنية ( حتسخدمن كمان بمادة التقويم )
⚠️ أدوات الانفكشن كونترول ( كمامه , كفوف , شانة للمريض , شانة جلد حصراً للطاولة ,صابون سائل )
⚠️ مطبق مع الصفيحة المعدنية.
⚠️ إضافة لسكين شمع كبيرة و صغيرة و منحتة للشمع.
⚠️ قبضة مستقيمة وسنبلة مناسبة.
⚠️ ورق العض.
⚠️ وأكيد مخبري شاطر خارق حارق.
لهون ح نكتفي حالياً، بالبوستات الجاية ح نتعرف على خطوات العمل بكل مرحلة و عن الأسئلة يلي ممكن يسألك ياها الدكتور المشرف…
لتستفيد من كامل السلسلة فقط اضغط على يلا عالسريري
تضلّوا بخير ❤️
●إعداد و تحرير : د. رامه جبري.
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم