⭕الجامعة الافتراضية السورية SVU بالإنكليزية Syrian Virtual University هيي جامعة حكومية سورية مقرها دمشق وبتعتمد نظام التعليم الجامعي الافتراضي (يعني عالكومبيوتر)
⭕بتشمل الجامعة الافتراضية شوية معاهد وكليات هني:
1-تقانة المعلومات
2-الهندسة المعلوماتية
3-الحقوق
4-تقانة الاتصالات
5-الإدارة السياحية والفندقية
6-الاقتصاد (علوم الإدارة)
7-المعهد التقاني للحاسوب
8-المعهد التقاني لإدارة الأعمال
9-الإعلام والاتصال
⭕الجامعة معترف عليها بسوريا وشوية دول عربية و اجنبية(ترتيبها الرابع او الخامس عمستوى سوريا يعني افضل من بعض الجامعات العادية) وواجهت الجامعة مشكلة بالاعتراف عند دول الخليج اللي مارضيو يعترفو بنظام التعليم الافتراضي بشكل كامل
-الدول اللي بتعترف بشهادة الجامعة:
سورية (بلد المنشأ)
المانيا (بلا شروط)
فرنسا (بلا شروط)
السويد (بلا شروط)
بريطانيا (بلا شروط)
هولندا (بلا شروط)
الولايات المتحدة (بلا شروط)
كندا (بلا شروط)
ماليزيا (بلا شروط)
مصر (بشرط دراسة 25% من السنوات داخل سورية).
⭕وهلأ رح اشرحلكن شوي عن طريقة الدراسة بالجامعة الافتراضية
بتتألف الدراسة بالجامعة الافتراضية من فصول افتراضية “شي بيشبه المجموعات” وبتحتوي هي الفصول عنافذة فيديو المدرس من خلالها بيشرحلكن المقرر(يعني بتحضرو المحاضرة أونلاين) وبيقدر الطالب يسأل المدرس عن طريق “الدردشة” وكذلك “الميكروفون”(يعمي بتكتبلو بالبث او اذا عندك ميكرفون بتسألو بالصوت)
قبل نهاية كل فصل دراسي الدكتور بيطلب منكن حلقة بحث(فيك تعتبرها متل امتحان العملي بالجامعات العادية) انت بتكتب حلقة البحث عالكومبيوتر وبتعملها PDF بالبيت وبتبعتها للجامعة عن طريق بريدك الالكتروني وانت متسطح بالفرشة
وبنهاية كل فصل عندك امتحانات بتروح عمراكز التقديم (معظم المحافظات فيها مراكز تقديم) وبتقدم امتحانك عكومبيوترات المركز ممكن تكون الاسئلة مؤتمتة او عادية
⭕الدراسة بالجامعة الافتراضية مو مجانية ولازم تدفع رسوم عكل مادة بتقدمها ١17500 ليرة وفي منح لذوي الشهداء والمتفوقين
الجامعة الافتراضية فيك من خلالها تكمل ماجيستير بالجامعات الحكومية بشكل مرن اكتر ومجالات اوسع وفيك تنتسب للنقابات وكانك خريج جامعة حكومية عادية بعكس المفتوح .. المفتوح عليه شوية قيود
⭕ من ناحية التسجيل الطالب معو فرصتين بالسنة ليسجل يعني بالشهر الاول او الثاني وبالشهر العاشر تقريبا لانو في مفاضلة قبل بداية كل فصل دراسي فيك تقدم بأحد المفاضلتين وبتبلش فصل أول دغري .
معدل قبول لكل فرع(تقريييببييييااااا):
-الهندسة المعلوماتية: معدل80% بالفرع العلمي
-تقانة المعلومات والاتصالات: معدل 70% بالفرع العلمي
أما باقي التخصصات بتنقبل بمعدل 50% او 60 فما فوق وبيختلف الموضوع بين شهادتين العلمي والأدبي
لما بدك تسجل مافي داعي تروح عالجامعة بكفي تراسل موقع الجامعة وتصور أوراقك الثبوتية وشهادتك بسكانر او صورة موبايل عالية الدقة وتبعتلن ياها مع رغباتك وتعبي المعلومات وبتنطر نتيجة المفاضلة
بعد القبول النهائي فيك تحولن الرسوم عن طريق البنك وأنت قاعد بالبيت
الأوراق المطلوبة هي:
صورة عن الهوية الشخصية (الوجهين في صفحة واحدة).
صورة عن الثانوية العامة السورية أو صورة عن الثانوية غير السورية بعد تصديقها.
صورة عن مصدقة التخرج للخريجين الراغبين بدراسة الماجستير.
صورة شخصية.
⭕️الدراسات العليا في الجامعة
بتنقسم الدراسات العليا لقسمين:
1- ماجستير التأهيل والتخصص : بينقبل فيه اللي معدلو بالجامعة (مقبول) ومابيقدر يكمل دكتوراه
2- ماجستير الدراسات العليا : بينقبل فيه اللي معدلو بالجامعة (جيد فما فوق) وبتقدر تكمل دكتوراه باي جامعة حكومية او خاصة
الجامعة الافتراضية فيها تاجيل لخدمة العلم
وهيك بكون حكنالكن كلشي بيتعلق بالجامعة الافتراضية..