الحلول السحرية
والله يا ماما ضرسي عم يوجعني😩
قبل ما تسمعوا باقي الحديث لازم نذكركم بهالسيناريو
يلي ما بموت:
▪️ ماما وين كنزتي الزرقا ؟؟
▫️قدام عيونك بالخزانه بإيدي ضبيتا
▪️يالله مالقيتا 😓
▫️طبعاً رد الأم كلنا بنعرفو وإذا إجيت ولقيتا مع نظرة التحدي 😌…
ف طبيعي عندها الحل لكلشي حتى وجع الأسنان:
سلامتك لك أمي خدلك هالقطنة حطها على ضرسك وبروح الوجع جربا متل السحر ماعد رح تحس بشي…
🔰 يا ترى شو هالقطنة السحرية ؟؟
رح نحكي اليوم عن حلول متوارثة بنسمع فيا وممكن نجربا بس مابنعرف مصدرا…
الوالدة هون عطت ابنها قطنة عليها عرق (مشروب كحولي)
بحجّة إنو بخفف الألم وبسكنو
بس يا ترى هالعادة صحّية على الأسنان؟🤔
⚠️ لا شكّ إنو الكحول بساعد بقتل الجراثيم وبساعد بتخدير المنطقة المحيطة بالأسنان كرمال هيك الناس بتتوجه لتخدير الألم بهي الطريقة…
لكن لايوجد دراسات كافية تثبت إيجابيات استخدام الكحول لتسكين الألم
بينما في العديد من الدراسات اللي بتثبت آثارو السلبية
⚠ بنستنج إنو ️متل ما الكحول يساعد بتخفيف الألم بالمقابل بسبب العديد من المشاكل منها :
❎ شرب الكحول خلال فترات زمنية قصيرة يجعل ميناء الأسنان عرضة للتآكل والإصابة بالنخور بسبب السكريات والأحماض الموجودة بالمشروبات الكحولية
❎ السكريات الموجودة في الكحول تؤدي إلى زيادة نمو البكتيريا في الفم والتي بدورها تسبب التهاب بالنسج الداعمة وتورم ونزيف باللثة
❎ المشروبات الكحولية تسبب جفاف بالفم وبالتالي ظهور الرائحة الكريهة و ايضا تسبب ابيضاض باللسان نتيجة التهاب الحليمات وتراكم البكتيريا والخلايا الميتة على سطح اللسان
🔰ولنبعد عن هالسلبيات ماإلك غير حبة مسكن وتراجع الطبيب بأقرب وقت ممكن
تضلوا بخير❤
● إعداد : د. شروق عمار ديب
● تحرير : د. عفراء عماد درويش
● المصدر العلمي:https://bit.ly/3dbxSGT
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم