صبيـة في مُقتبل العمر .. 23 سنة تعاني من آلام نتيجة بـواسير شـرجيـة على حد قولها و لأنها في منطقة نائية لجئت إلى جيرانها يلي وصفولها العـلاج !
استخدمت الخلطات و الكريمات و كل الهبدات يلي بتخطر عبالكن .. بدون فايدة لكن استمرّت فيها لان كانت محرجـة من فحص الطبيب .. فكانت تروح ببساطة تصرف الدوا و خالصين !
بس الألم بعدا زاد و قررت تشوف طبيبـة بشرط ماتفحصها لأنو بتخجـل ..فقط توصفلا الدوا !
رفضـت الطبيبة تعطيها اي شي بلا فحص فوافقت المريضة ..
لتنكشـف الكارثـة :
الألـم ناتج عن سرطـان مستقيـم بدرجة متقدمة خلاها تخضع لعمليـة جراحيـة معقدة و تتحول لفتحـة شـرجيـة ضد الطبيعة (يعني التبرّز بفتحة من البطن )
كان ممكن ينكشف ببدايتو و الحل يكون بسيط .. بس نلوم الخجل ولا الجهـل ولا المحيط !
الاهمـال مصيبة .. لا تسكت على أي ألم غربب بتحسه و فوراً راجع طبيب !
و تخبيص العـلاج بيضر ..الـدوا بلي بيفيدك انت ممكن يأذي غيرك !
لا تحمل مسؤوليـة تعاسـة شخـص بسبب أنك وصفتلو علاجك .. لأن فحص الطبيب هو أول علاج ..
✔️ إعـداد و تحريـر : الـدكتـورة ميـار صـالح .
منظمــة مــيددوز ~ مـصدرك الموثـوق للمعلومـة الطبيـة .
(ميددوز)