الرئيسية / كهرباء وإلكترونيات / السكرتيرة للمدير العام: أستاذ الكمبيوتر عندي خربان و بده ت

السكرتيرة للمدير العام: أستاذ الكمبيوتر عندي خربان و بده ت



السكرتيرة للمدير العام: أستاذ ..الكمبيوتر عندي خربان و بده تبديل و ما عم اعرف اكتب الكتب و المراسلات.
يتصل المدير العام بمسؤول المعلوماتية: أحمد تعا لعندي فوراً.
يأتي أحمد
المدير العام: اكتبلي أعلى مواصفات كمبيوتر بالسوق و بتعطيني اياهم لأبعتهم للجنة الشراء.
أحمد: لمين الكمبيوتر أستاذ ؟
المدير العام: الكمبيوتر للآنسة رشا.
أحمد : و لكن أستاذ كمبيوترها حديث و ما صرله سنة.
السكرتيرة : لا ..كمبيوتري خربان و الكيبورد ما عم يكبس الزرار منيح و الفارة عم تعلق.
أحمد: إذا مشكلة كيبورد و فارة بنبدلهم .
السكرتيرة: لا في مشكلة انو كلو بطيء و الفلاشة بتختفي منها الملفات.
أحمد : هي مشكلة فيروسات و مشكلة أنك بتحطي كل الملفات على سطح المكتب و معبية الC.
السكرتيرة: أستاذ الكمبيوتر خربان و ماعاد حبيته ..بدي كمبيوتر جديد.
المدير العام: خلص ..اكتبلي مواصفات كمبيوتر يكون ممتاز ..سمعت أنه نزل معالج i9 جيل عاشر..اكتبه بالشروط و جبلي اياها.
أحمد: و لكن أستاذ شغلها كله مستندات وورد و لعبة الشدة ..مافي داعي لهالمواصفات العالية ..بيكفي معالج i3 .
المدير العام: أحمد بتكتبلي أفضل مواصفات ..مو كل يوم بدنا نشتري كمبيوتر جديد.
.
بعد أيام يدخل المهندس سمير إلى المدير العام: أستاذ الكمبيوتر عندي عمره 10 سنوات و ما عاد ينفع للبرامج الهندسية الحديثة ..بدي كمبيوتر يشغل الأوتوكاد 2022 و الثري دي ماكس.
يتصل المدير العام بمسؤوال المعلوماتية: أحمد تعا لعندي.
يأتي أحمد
المدير العام : خود كمبيوتر الآنسة رشا القديم و فرمته و زبطه و عطيه للأستاذ سمير.
سمير : و لكن هل الكمبيوتر بينفع للبرامج الهندسية ؟
احمد : طبعاً بينفع ..كمبيوتر معالجه i7 مع 8 رام ذواكر و ماذربورد انتل ..أكيد بينفع.
سمير: شكراً أستاذ… و يذهب.