السلاق الفموي “داء المبيضات البيض الفموية”

السلاق الفموي “داء المبيضات البيض الفموية”

أنا ولا شي من دونك ماما ..

⛔ لما الطفل بيوجعو أي شي أمو بتحكي وبتوصف وجعو للطبيب، لأن بتحس فيه … لهيك عزيزتي الأم لما بتلاحظي ع طفلك :

⚠️ آفات بلون أبيض كريمي على [ #اللسان/ #اللثة/ #قبة_الحنك/ #الشدق (الخد من الداخل)/ أو #اللوزات .

⚠️_ #صعوبة في الرضاعة .

⚠️_ #الرضيع سريع الهيجان ويتصرف #بعصبية .

اعرفي أنّك مبدئيا أمام حالة …

[ #السلاق_الفموي “داء المبيضات البيض الفموية” ]

⛔ هو حالة تراكم فطريات المبيضات البيضاء على المخاطية الفموية، يصيب الأطفال الرضع بشكل كبير نتيجة ضعف المناعة .لهيك مهم جدا أنك تراقبي فم طفلك .

⛔ أنا آسف ماما بس القصة ما خلصت هون، رح انقلك العدوى للثدي لما ترضعيني ورح يصير عندك :

⚠️ حلمات الثدي حمراء، حساسة، سريعة التشقق، مع حكة .

⚠️ جلد لامع أو متقشر بالمنطقة الدائرية الداكنة حول الحلمة .

⚠️ ألم غير معتاد أثناء الرضاعة أو ألم في حلمات الثدي بين فترات الرضاعة .

⚠️ ألم يشبه الطعنات عميق في الثدي 💔 .

⛔ وهلا إجى دور الميددوز يخبرك شو لازم تساوي بهالموقف ؟!؟

⚠️ أكيد لا تفكري تعالجي الموضوع عند طفلك بالحامض .

⚠️ راجعي الطبيب أولا لعلاج طفلك المصاب بالسلاق «حسب درجة المرض رح يعطيه الطبيب الجرعات المناسبة من مضادات الفطور » .

⚠️ ومن ثم توجهي لطبيب الجلدية فورا لعلاج عدوى الثدي .

لا تخافي، بس كمان لا تهملي ممكن تسببلك هالعدوى كتير أمراض تانية .

تنويه:
داء المبيضات البيضاء له العديد من الأشكال والأعراض عدا التي تصيب الطفل الرضيع.. يرجى الانتباه

الك منا كل الحب .. يا كل الحب أنت ِ « ماما❤» .

● إعداد : د. زينـة سليمان يوسف .
● تحرير : د. آيـة معـن مـحمود .
● التدقيق العلمي : د. أسماء جمال

● المصدر العلمي : https://pubmed.ncbi.nlm.nih.gov/27343964/

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم