يلا عالسريري
السهل الممتنع … مادة اللثة …
⚠️ بدايـة يمنع دخول عيادة اللثة إلا ونحنا بلباسنا الميداني الكامل، يعني المريول نضيف ومكوي، الشارة الاسمية باسمك الواضح، وأكيد ما منسى الكمامة وغطاء الرأس .
⚠️ بعد ما حضّرنا حالنا رح تفوم بتعبئة بطاقة التشخيص وأول عمل هوي تقليح من الدرجة الأولى .
⛔ بس قبل شو هو القلح وشو يعني تقليح وكم درجة في للتقليح ؟!؟
⚠️ القلح : لويحة جرثومية متمعدنه إلها شكل الترسبات الصفراء على سطوح الأسنان،
والترسبات القلحية نوعين :
1️⃣ قلح فوق لثوي .
2️⃣ قلح تحت لثوي .
⚠️ أما التقليح : فهو عملية إزالة التوضعات الطرية والقاسية فوق وتحت اللثة بواسطة المجارف والمناجل .
⚠️ درجات التقليح فهنن درجتين أولى وثانية .
⛔ طيب شو خطوات العمل وكيف بشخص أن هالقلح درجة أولى ؟
⚠️ الدرجة الأولى : هي تراكم طفيف للويحة على السطح اللساني أو الحنكي للأسنان [ وخاصة الأسنان الأمامية السفلية ] والأسنان الخلفية .
⚠️ الدرجة الثانية : تراكم متوسط إلى شديد للويحة، حيث ترى بالعين المجردة للطبيب على السطح اللساني أو الحنكي وأيضا الدهليزي للأسنان الأمامية والخلفية .
⛔ يـلا لنبلش سوا بالخطوات 😉 :
⚠️ استقبال المريض وأخد القصة المرضية و مامننسى شانة المريض .
⚠️منخلي أدواتنا مرتبين [ أدوات التشخيص_أدوات التقليح ] .
⚠️منطلب من المريض المضمضه بـ كلور هيكسيدين [ مضامض فموية ] لتخفف البيئة الجرثومية ضمن الفم .
⚠️ منعدل الإضاءة [ ضو الكرسي لازم يكون مسلط على ساحة العمل ] .
⛔ هـلّا منبلـش بالجـد …
⚠️ منعبي البطاقة [ يلي حكينا عنها بلبوست السابق ] .
⚠️ منعمل سبر للجيوب اللثوية بالمسبر اللثوي المدرج أو مايدعى بمسبر ويليام، حيث ندخل المسبر في جيب كل سن والجيب الطبيعي مقاسه [ 0_3 ] ملم تقريبا، ومنحط أمام كل سن مقاس الجيب ومنحدد درجة تراكم اللويحة والنزف وكل المعلومات المطلوبة ببطاقتنا .
⚠️ طبعا مامننسى العزل أثناء العمل من خلال اللفافات القطنية او الشاش المعقم .
⛔ وهلا صار فيك تاخد الوضعية المناسبة للعمل :
⚠️ المريض بوضعية الاستلقاء .
⚠️ المسافة بين الطبيب و المريض لا تقل عن ٣٥ سم .
⚠️ مجال حركة الطبيب بلنسبة للمريض حسب أرقام الساعه هي بين ال ٦-١٢ .
⚠️مثلا عند ال ٦ حنكون أمام المريض ..
⛔ وهلا صار لازم نتعرف كيف منمسك الأدوات :
⚠️ أكتر مسكه منشتغل فيها هي مسكة القلم المعدلة :
رح نمسك الأداة بين الإبهام و السبابة، رح نخلي راحة الأصبع الوسطى على جانب الأداة، رح نستند بالأصبع الرابعة بأحد طرق الاستناد .
⛔ نقاط الاستناد أهم شي بالعمل و هي :
⚠️ نقاط استناد داخل الفم معدل [ مثل الاستناد بالأصبع الرابع على الثنايا العلوية للوصل للسطوح الملاصقة للأرحاء العلوية ] .
⚠️ نقاط استناد خارج الفم [ متل الاستناد على الخد أو الاستناد على الذقن بظهر الأصابع ] .
⚠️ استناد مقابل [ برتكز على أسنان الفك السفلي و أنا عم قلح بلفك العلوي ] .
⚠️ استناد أصبع فوق أصبع .
⚠️ استناد معترض [ متل الاستناد على الضواحك السفلية يسار و نحن عم نقلح الأسنان السفلية يمين ] .
⚠️ الاستناد التقليدي [ هو استناد على السطح الطاحن أو القاطع للسن المجاور لمكان العمل ] .
⛔ حركة الأدوات :
المقصود هو حركة النهاية العاملة [ السطح الحاد للأداة ]،
و للحركة عدة أنواع :
1️⃣ حركة أفقية .
2️⃣ حركة عامودية .
3️⃣ حركة مائلة .
⛔ يعني مافهمت شو اعمل و كيف بلش ؟!؟
تعالوا نبسّطها : وقفتك صح، و الإضاءة صح، و ماسك الأدوات صح، ومستند صح و بالتالي :
⚠️ ندخل الأداة حتى تصبح أسفل الكتلة القلحية ومنعمل حركة ضغط مع سحب على طول السن من الأسفل للأعلى .
⚠️ ومع إزالة كل كتلة قلحية منظف بلفافات القطنية لنخفف النزف ونخلي ساحة العمل والرؤية واضحة .
⚠️ منستمر بإزالة الكتل القلحية على كل سطوح الأسنان ومنتأكد من انتهاء عملنا بتمرير المسبر على سطح السن ومنحصل على سطح ناعم دون أي شؤوذات😍
⛔ طيب كيف بعرف أني خلصت ؟!؟
بيتراجع النزف اللثوي و بتصير السطوح ناعمة .
⚠️ هلّا صار فينا نطلب من المريض المضمضة ومنحرص مايطلع من العيادة قبل ما نشرح كافة التعليمات الفموية الصحيحة متل [ طريقة التفريش الصحيحة مع الشرح على مثال وتمثيل الطريقة للمريض ونطلب منه المراجعة خلال 6 شهور😍 ] .
⛔ وهيك منكون خلصنا أول عمل النا باللثة .
⛔ خبرونا شوفي عندكم استفسارات و شو حابين تعرفوا بالبوستات الجاية …
وتبقوا بألف خير ..❤..
إعداد : د.نيفيـن طـرابزونلـي .
مــــيددوز ~ مـــــصدرك للـــــمعلومات الـــــطبية الــــــموثوقة 🛡
مواضيع صحة الاسنان والفم