الصورة السريرية ✨ 📍القصة الأولى:
بتكون قاعد انت وستك والامور رواق (موضروري ستك يعني😅ممكن جدك ،عمك …)بس فجأة ستك بتهمد , بيشحب لونها ،ماعاد بتحكي كتير وبتحط كف ايدها 🖐ع صدرها من النص او عالجهة اليسار وبتقول حاسة متل الحجر ع صدري أو صدري عم يتقطع ألم صدري عاصر وهيك بتصير تتعرق عرق بارد😧 وبتقلك حاسة نفسي عم تلعي و بدي استفرغ غثيان 😨وقلبي عم يرف بسرعةخفقان😵
📍 بس تشوف : شخص كبير بالعمر غالباً :
•صار ساكن وماعاد تحرك كتير
مع
•شحوب
•تعرق بارد
📍وهالشخصبقلك عم يحس ب:
•الم صدري عاصر
•غثيان وممكن اقياء
•خفقان
📍رح نشك فوراً باحتشاء القلب وفووووراً إسعاف عالمشفى 🏃🏃🏃
• اذا في عندكن بالبيت دوا نتروغليسيرين ..منحطلها حبة او ثنتين تحت لسانها بين مانوصل عالاسعاف ..
📍ممكن حدا يقول .. طيب في امراض ثاني ممكن تعمل هيك أعراض !!
•طبعاً بدنا نفكر بالتشاخيص التفريقية بس الأهم ننفي حالة الاحتشاء (ومنكون بالمشفى ومنطمن ع مريضنا اكتر) 📍اذا حبيتو نحكي عن قصص سريرية متل هيك .. لأمراض خطيرة ممكن تصير مع أي حدا قريب منا وعايش معنا لنعرف نتصرف صح..كتبولي .. 📍وبتمنى العافية للجميع ❤ الدكتورة وئام أبو عساف🌸
(سماعة حكيم)