لأ هي مو عنوان قصة قصيرة للأطفال ، هي فكرة البعض عن الأدويـة !
الحـبـة السـحرية اللي من اول حـبـة بتاخدا رح تعطي مفعول فوري و مباشر !!
خصوصي اذا كانت حـبة التـهـاب و من اول حبـتـين تلاتة طاب الولـد !! 😬
⚠️ بس يا ترى هاد الحكي صح ⁉️
✔️- للأسف لأ ، مو كل الادويـة متل السـيـتامول خلال نص ساعة رح تبلش تحس بتأثيرها المسـكـن
✔️- السـيـتامول و البـروفـين ببلش تأثيرن خلال 30 دقيقة ، بتاخدن من هون راسـك بطيب و بتبلش تخف حـرارتك من هون
بس حتى المسـكنات مو كلهن هيك!
الاندومـيـتاسين مثلا ممكن يتطلب اسبوع او اسبوعين و حتى اكتر عند بعض الاشخاص .
✔️- و في أدويـة تأثيرها تراكـمي ، متل مضـادات الاكـتـئـاب اللي بتحتاج فترة 2-4 أسابيع لحتى يبلش المـريـض يحس حالو احسن .
✔️- وكمان عنا نبـات الجـينـكو بيـلوبا الي بدو حوالي شهر شهر و نص لنبلش نحس بنتيجة.
✅ بالتالي بدء التـأثير بيختلف حسب الـد.وا ، و بيتراوح من عدة دقـائق حتى ساعات و حتى أيام أو اسابيع ببعض الادويـة
لهيك اصـبر عالدوا …
ومهما كان مرضـك تذكر دائماً انو النتيجة المرضـية بتـاخد شويـة وقت ❤
تضـلوا بخـير وصحـة دائـماً ❤️
🖋- إعـداد الصيـدلانية: سراة عزالدين
🖋- المصدر العلمي :
https://bit.ly/3JmQ8dJ
مـنظمة ميـددوز ~ مـصدرك الـموثـوق للـمعلومـة الطبيـة 🛡
(ميددوز)