عرفنا في الـHTML Notes ان الـBrowser بيبقى فيه مجموعة من الـWebAPIs اللي بتقدر من خلال الـJavaScript تتحكم فيهم، زي مثلًا انك تجيب الإحداثيات التقريبية لمكان المستخدم، تتعامل مع Opener، أو إنك تستخدم الـConsole!
وأه لو ماتعرفش الـConsole مش حاجة Built-in في الـJavaScript، بشكل فعلي هو مش جزء من الـJavaScript أصلًا، ولكنه WebAPI تقدر تتعامل معاه من خلال الـJavaScript، والحقيقة ده أكتر حاجة هتتعامل معاها وهنحتاجها الفترة اللي جاية
في الـConsole انت تقدر تعمل حاجات كتير الحقيقة، ممكن أبدأ أعمل ألبوم بيضم حبة Methods وTricks مش الكل يعرفها بجانب سلسلة الـNotes، ولكن خليني النهاردة أقولك أهم الحاجات اللي ممكن تعملها في الـConsole
أول حاجة اضغط على F12 عشان تفتح الـDev Tools، خش على الـConsole وهنا ممكن تكتب أي كود JavaScript وهيتـRun معاك عادي جدًا
أول Method وأهم واحدة هي الـLog، ودي بتقدر من خلالها تطبع أي داتا حرفيًا في الـConsole، زي مثلًا انك تشوف قيمة متغير عندك بتساوي كام، تطبع String، تشوف الـArray وهكذا
الـMethod التانية والتالتة بتطبع Log برضه بس يا إما على شكل تحذير Warning أو على شكل رسالة خطأ Error، ولكن خد بالك إن الإتنين دول مش بيوقفوا عمل الكود، يعني مختلفين تمامًا عن إنك تـThrow new Error، ملحوظة مهمة بس كان لازم أقولها
من الحاجات اللي هسيبك تبحث عنها برضه (بسيطة ماتقلقش) هي الـTiming، وهي إنك تخلي الـConsole يحسبلك الوقت اللي استغرق على ما جزء معين من الكود بتاعك اتنفذ، يعني على سبيل المثال لو بتعمل عمليات على 1,000,000 عنصر وعاوز تعرف الخوارزمية بتاعتك بتاخد وقت قد إيه في التنفيذ، ممكن تستخدم الـConsole Timing هتفيدك جدًا
وبس كدة، ده كان بوست سريع عن الـConsole، هنحتاج منه الـLog جدًا في الـNotes اللي جاية بإذن الله واحنا بنشرح أساسيات الـAlgorithms، فـ متنساش لو عجبك البوست تعمل لايك وتتابعني عشان مايفوتكش أي بوست جديد، وكالعادة ده الموضوع ببساطة.
الجينيص
الجينيص