وأه بوستات النهاردة بسيطة وسهلة، فـ لازم يبقى في كذا واحد، وبعدين انت واخد أجازة بقالك يومين فـ مافيهاش حاجة نراجع شوية على حبة معلومات أساسية في الـCSS وبالتحديد للـFont Property!
الـFont Property بشكل عام هي Shorthand او اختصار لمجموعة من الـProperties التانية، زي الـSize والـWeight والـDecoration وغيرهم، في أول كومنت “بإذن الله” هتلاقي لينك بيتكلم عن الـFont بالتفصيل.
انا النهاردة جاي أكلمك عن الـFont Family Stack، اللي ببساطة بيحدد أكتر من Font Family لنفس النص، ويبدأ المتصفح يطبقه عليه، وفي الأول خليني أشرحلك حاجة مهمة جدًا
الـFont بشكل عام عبارة عن رسم، رسم لطريقة كتابة الحروف على الشاشة، فـ لازم كل حرف يكون بيعبر عنه رسمة معينة على الشاشة، ولكن لتنوع اللغات وكثرة الحروف لكل لغة، صعب جدًا تلاقي Font واحد شامل كل الحروف، فـ هتلاقي في حروف بتظهرلك على شكل مربعات أو بتظهر بشكل غير اللي انت عاوزه
والحل هنا سهل وبسيط، الـFont Family Stack!
ببساطة هنا انت بتديله Stack من الـFont Families، يعني كذا Font Family ورا بعض مفصولين بـComma، وببساطة أول ما المتصفح بيلاقي ان الحرف مش موجود ضمن الـFont ده أو لسبب ما الـFont نفسه مش موجود، هيروح للـFont Family اللي بعديه في الـStack ويحاول يطبق عليها الحل
وده اللي بيساعدك لو الـFont ماتلودش، انك تحدد Font من الـFonts الموجودة بالفعل في السيستم زي الـSerif وMonospace وغيرهم.
وبس كدة، ده كان بوست مهم النهاردة نختم بيه اليوم، وده بقى أوعدك هتستخدمه حرفيًا في كل مشروع هتعمله، فـ متنساش لو أول مرة تعرف المعلومة شير وعرف غيرك.
وبس كدة، ده الموضوع ببساطة.
الجينيص
CSS Notes
الجينيص