🚩 “الجندي المجهول” في طب الأسنان …
قاعد بالبيت بآمان الله و فجأة بصير ضرسك يوجعك و بتصير تتألم لدرجة كبيرة 💔…
ياترى شو هو الحل الإسعافي يلي ممكن يخفف عنك هالوجع .. ريثما تتوجه لطبيب الأسنان ؟!
~>>> إنه القرنفل 😌:
ما عليك الّا تحط شوية قرنفل او زيت القرنفل عالسن يلي عم يوجعك ورح يخف الألم ‼️‼️
طيب ليش القرنفل بالذات ؟؟🤔
⭕ لأن له تأثير ايجابي على الأسنان لاحتوائه على مادة تسمى الاوجينول والتي لها دور بتخفيف الألم وهي المسؤولة عن خصائص القرنفل الطبية المخففة للألم
<<<يعني #العامود_الفقري للقرنفل 😌>>>…
⭕ الفوائد الصحية من استخدام القرنفل معروفة على مر القرون وبالتالي بتفيدنا ك علاج منزلي في العديد من الأمراض.
⭕ كذلك القرنفل بقلل الألم و كمان بساعد على تخفيف العدوى و إزالة رائحة الفم الكريهة ويستخدم أيضا لتسكين آلام اللثة ويحسن بشكل عام صحة الأسنان.
⭕ القرنفل فينا نعتبرو بطل الأبطال 💪🏼 لجميع مضادات الأكسدة المعروفة حتى الآن.
وكمااان… قطرة وحدة من زيت القرنفل أقوى ب 400 مرة كمضاد للأكسدة من مضادات الأكسدة الأخرى متل توت الذئب أو التوت الأزرق 💪🏼
✅ وللمعلومة.. مضادات الأكسدة هي شي منيح بالنسبة لصحتنا لأنو عملية الأكسدة ضارة نوعاً ما.
⭕ زيت القرنفل بقلبو مكونات نشطة مضادة للأكسدة، و كمان مضادة للفطريات، ومضادة للفيروسات، ومضادة للميكروبات، ومضادة للسكري، ومضادة للالتهابات، ومضادة للتخثر، ومخدرة، و مسكنة للآلام و فيها خصائص طاردة للحشرات…
كل هاااد ؟!!
اي نعم كل هالشي 😍🔥
و مو بس هيك..
القرنفل موجود بكتير من كريمات الأسنان و معاجين الأسنان والفم و بيتواجد أيضاً لإضفاء نكهة عليها..
و بالنهاية القرنفل هو حل مؤقت طبعاً لتخفيف الألم متل ما ذكرنا ف لابد من زيارة الطبيب لمعالجة السبب و اعطاء الدواء الأنسب كونو القرنفل مناسب نوعاً ما 😌
منتمنالك حياة هادئة بعيدة عن آلام الأسنان .. ولا تنسى مراجعة طبيبك بشكل دوري كل ستة اشهر…
● إعداد : د. عمر سمير قدورة.
● التحرير والتدقيق العلمي: د. أريج محمد نجهاني.
● المصدر العلمي :https://bit.ly/3jL2wsT
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئة.
مواضيع صحة الاسنان والفم