القلاع الفموي أو مايعرف بالعامية ب “الحمو”

“طالعلي قلاع بتمي وماعم اقدر آكل او أشرب شي سخن من يومين تلاتة😭😭”…

كلنا معرضين أو تعرضنا بفترة من فترات حياتنا للإصابة ب القلاع الفموي أو مايعرف بالعامية ب “الحمو”
بتسبب الألم للمريض وبتمنعو من الأكل بسعادة😩.

⛔طيب شو هو القلاع ؟!

⚠️هو مرض غير معدٍ يصيب الأطفال والكبار.

⚠️هو عبارة عن تقرحات مؤلمة بتصيب الأنسجة والاغشية المخاطية داخل الفم
قد تظهر على اللسان واللثة.

⚠️ تظهر بشكل ” آفة تقرحية بيضوية، أو دائرية محاطة بهالة حمراء”

⚠️بتضل من 10 ل 15 يوم وتختفي تلقائياً ومابتترك ندبة.

⚠️بتتكرر من وقت للتاني بفاصل زمني ممكن انو يكون اسابيع او شهر او سنة.

⛔أسباب حدوثه ؟!

⚠️من الممكن انو يصيب الأشخاص الأصحاء يلي ماعندن أمراض او حالات مزمنة والسبب مجهول حتى الأن✖️…

⚠️الأشخاص المصابين باضطراب بالجهاز المناعي معرضين بنسبة اكبر من غيرن للإصابة.

⚠️وأكيد في بعض الحالات بتحرض ظهورو بشكل كبير واللي هي :

الضغوط والشدة النفسية بالمرتبة الأولى.
بعض الاطعمة متل التوابل والحمضيات.
أجهزة التقويم والتعويضات السنيّة الثابتة والمتحركة. 😬
الحيض عند النساء.

⚠️وبحالات قليلة بيكون ناجم عن مشكلة صحية متل :

▪️عوز بعض الفيتامينات مثل ” C, B6, B12″

⛔علاج القلاع..!! ¿

⚠️مافي علاج نهائي للقلاع إنما العلاج بيهدف ليخفف الألم والأعراض متل :

▪️المسكنات
▪️غسولات الفم
▪️جيل او بخاخ فموي مخفف للألم.
▪️تعويض الفيتامينات الناقصة.
▪️حبوب الكورتيزون ومثبطات المناعة (بموجب وصفة طبية).

⛔وأخيراً بتبقى الوقاية أفضل من العلاج من خلال :

▪️ تحسين الصحة الفموية
▪️تجنب الأطعمة المؤدية لحدوثه.
▪️تعزيز مناعة الجسم عن طريق التغذية الجيدة وتناول الفيتامينات وتحقيق الاستقرار النفسي😇😇

من الميددوز دمتم بخير… ❤️

● إعداد وتحرير: د. أمل سمير داود
● المصدر العلمي : healthline

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم