ناصيف زيتون الصحة الفموية بقول واصفاً
القلح السني…🙈
▪️انا من تراكم البكتيريا اجيت
▪️أنا من نقص إهتمامك قسيت…
▪️أنا لو عنايتك بفمك قويتا ما كنت بفمك بقيت…
………………..
وكما التُربة لجذور الأشجار، هنالك لثةٌ تأبى الانحسار لتحافظلنا ع مظهر و قوة السن لبتمنا متل ما بتحافظ التربة عمظهر الشجرة ومتانة جذورها…
🔰بس هل تعلم يا صديقي❗
بأنو هاللثة التي تأبى الانحسار في جير (قلح) يتكوّن ع سطح الأسنان فوقها أو تحتها اذا ما درت بالك !؟
وبضعّف الرابطة بين الأسنان والنسج الداعمة لإلها ويلي من ضمنها صديقتنا اللثة…
⬅️ وقت يضل بكتيريا بتمك، رح تختلط مع البروتينات والمنتجات الغذائية الثانوية لتشكيل طبقة فيها بروتينات لاصقة…
⬅️ وهي الطبقة رح تغلف أسنانك وممكن تلتصق تحت خط اللثة أو تلتصق حتى بترميمات الأسنان…
⬅️اسمها اللويحة السنية
(صحي اسمها كيوت بس تأثيرها مو كيوت أبداً لان هيي لبتسببلنا السوسة🙈)
🔰 طيب والقلح السني كيف بيتشكل !؟
هوي ناتج عن اندخال الأملاح المعدنية الموجودة باللعاب بشكل طبيعي ضمن اللويحة السنية و هيك بتصير اللويحة متكلسة و بيصعب إزالتها بالتفريش…
🔰المضاعفات
⚡اذا ما عم تعتني بالسنونات، رح تتشكل الجيوب بين النسج الداعمة والأسنان وتبدأ البكتيريا بتخريب الكولاجين اللي بالرباط واللثة ويحدث امتصاص بالعظم السنخي و توصل لمرحلة أنو اسنانك تتحرك بدون سبب !!!
وهذا يسمى التهاب النسج الداعمة
⚡ كما تربط بعض الدراسات بين البكتيريا الموجودة في أمراض اللثة وأمراض القلب ومشاكل صحية أخرى
🔰 طرق الوقاية
▪️فرشاة الأسنان عن طريق استخدامها مرتين في اليوم لمدة دقيقتين لإزالة اللويحة السنية وبالتالي منع الجير ..
⚠️فرشاة الأسنان الإلكترونية قد تتخلص من البلاك بشكل أفضل من النماذج اليدوية…
▪️ اختر معجون أسنان يحتوي على الفلورايد ،سيساعد الفلوريد في إصلاح تلف الميناء…
▪️ الخيط تنظيف الأسنان هو الطريقة الوحيدة لإزالة اللويحة “بين أسنانك”…
▪️استخدم غسول الفم المطهر حسب ارشادات الطبيب للمساعدة في قتل البكتيريا التي تسبب القلح…
▪️الأشخاص الذين يدخنون أو يستخدمون منتجات التبغ الأخرى هم أكثر عرضة للإصابة بالقلح…
🔰 ودائماً قم بزيارة طبيب أسنانك كل 6 أشهر لإزالة تراكمات القلح التي تكون قد تشكلت…
ودمتم بخير… ❤️
▪️اعداد وتحرير : د. شفى زياد البربور
▪️المصدر العلمي:https://wb.md/3td60XI
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم