في حدا ” بحط الفيـروس بجسمه ” و بيشتري المـرض ؟! أنا مستحيل آخد اللقــ ـاح !
لجميع مُتبـني الموقف السابق ؛ المُمانعين للُقــ ـاح
اسمحولنا نخبركم أن موقفكم غيـر صحيـح علمياً !
✅ – أولاً : لأن جميع اللُقــ ـاحات المتوفرة بسوريـا مُصنعة بآليـة عمل اسمها ” النواقـل الفيروسيـة ”
-باستثنـاء سينوفـارم الصيـني- يلي هو لُقـ ـاح تقليدي أي فيـروس مُضعـف !
✔️▪️أما بالنسبة للُقـ ـاحات النواقل الفيروسية يلي هيي ( أسترازينكا – سبوتنيك V – سبوتنيك لايت ) رح نخبركم عن آليتها باختصار لأننا رح نشرح كل لُقاح بالتفصيل لاحقاً .
✔️▪️القصة بتشبه تصنيع المكـدوس !
عنا حشـوة و عنا البيتنجان يلي رح يحمـل الحشوة و يوصلها على القطرميز بأمان !
✔️▪️الحشوة هون هي سلسلـة صغيـرة من المادة الوراثية للفيروس المسؤولة عن تصنيع البروتيـن سبايـك يلي بيشبه الشوكة و موجود على سطح الفيروس ..
✔️▪️هالبروتين أو هالشوكـة هو سر قدرة الفيروس على اختـراق خلايا جسمنا .. هالفيروس ما بيقدر يفتح باب الخلية و يدخل عليها إلا إذا دخل المفتاح سبايك بقفل الباب ..
✔️▪️أما البيتنجان فهو نوع من الفيروسات يلي بتسببلنا الرشـح عادةً و منسميها الفيروسـات الغديـة .. و متل ما منسلق البيتنجان و منجهزه للحشوة كمان العلماء جهزوها لحشوتها يلي حكينا عنها !
✔️▪️و هيك صارت المكدوسة اللقاحـ ـية جاهزة لتدخل على كم خلية بجسمك تحفزهـم ينتجوا البروتين سبايك كرمال يتحفز جهازك المناعي ليشكل أضـداد تقضي عليه و تخليك جاهز لتحارب أي كورونـ ـايـة ممكن تدخل على جسمك .. و على فكرة خلال 48 ساعة بتتلاشـى المكدوسة و ما بيبقى إلا الأضداد !
✅ – ثانيـاً : هيك صرت بتعرف أن اللقـ ـاح ما بيحوي على الفيـروس و إنما جـزء صغيـر جداً من سلسلـة وراثيـة خاصة بشوكته سبايـك !
✅ – ثالثـاً : الأعراض ما بعد اللُقـ ـاح ليست أعـراض إصابـة و إنما رد فعـل مناعـي طبيـعي نتيجة استجابة جهازك المناعي للُقـ ـاح و تشكيل الأضداد .
✅- رابعـاً : لو أخدت اللُقـ ـاح ممكن تنصـاب .. مافي أي لُقـ ـاح بوفر ” حمايـة بنسبة 100%” و لا هاد الغرض من تصنيعهم .. و إنما حمايتك من حدوث إصابـة شـديـدة تدخل بسببها على المشفى و تخسر حياتك !
✅ – خامسـاً : لحد الآن كل شخص تلقى اللُقـ ـاح قدر يمارس حياة شبـه طبيعيـة خلال الموجـة الرابعـة يلي كانت عم تفتك بغير المُلقحـيـ ـن و بنسبة إشغال 100% بمعظم مشافي المُحافظـات السوريـة .
صدق إنو تمسـكك بقرار مبني على رأي غير صحيح أو دقيـق علمياً ممكن يكلفك حياتك و حياة يلي بتحبن ..
فكر مرة تانية بعد قراءتك للمقال ؛ و اتخذ القـرار الصحيـح قبل فوات الآوان ! ❤️
مــيددوز~مــصدرك الــموثوق للــمعلومة الــطبية
(ميددوز)