اللويحة السنية

👨🏻‍⚕ : يا عم لازم تنظف أسنانك يومياً حتى ما تتراكم عليها اللويحة.

👴🏼 : دكتور شايف تمي معرض صور ليصير في لوحات !!.

طبعاً العم هون فكرنا عم نتمسخر عليه.. يلا نشرحلو شوي عن اللويحة السنية ليفهمنا وما يزعل.

🔴 اللويحة السنية :
هي طبقة لصّاقة عديمة اللون على سطوح الاسنان، تتألف من الجراثيم الناتجة عن تراكم فضلات الطعام و تكون أكثر وضوحاً عندما لا يتم تنظيف الأسنان بالفرشاة.

تراكم اللويحة الجرثومية لأيام ⬅️ تسوّس الأسنان و أمراض باللثة.

🔴 أما عن سبب تشكلها فهوي :

⚠️ ترك بقايا الطعام الحاوي على الكربوهيدرات (السكريات و النشويات) على الأسنان دون تنظيف، مثل الحليب، الزبيب، المشروبات الغازية، الكعك والحلوى بأنواعها.

🔴 منجي لأضرار هاللويحة :

⚠️ تسوس الأسنان نتيجة الأحماض يلي بتنتجها البكتيريا الفموية اللي بتتغذى على بقايا الأطعمة المتراكمة،
هي الأحماض بتضعف طبقة الميناء وبالتالي تحدث تسوّس.

⚠️ قد تتطور اللويحة لتشكل القلح السني، و ممكن توصل لجذور الأسنان تحت اللثة وتسبب أضرار بالعظم الداعم للأسنان.

🔴 طيب كيف منحمي حالنا منها يا ترى ؟

⚠️ تفريش الأسنان مرتين يومياً على الأقل بالفرشاة باستخدام معجون أسنان يحتوي على الفلورايد،
مع الانتباه لتنظيف اللثة أيضاً.

⚠️ استخدام الخيط السني للتنظيف بين الأسنان مرة يومياً على الأقل.

⚠️ استخدام الغسول الفموي تحت إشراف الطبيب لمدة محدودة للتقليل من البكتيريا الفموية.

⚠️ زيارة طبيب الأسنان كل 6 شهور لإجراء فحص و تنظيف للأسنان.

⚠️ سؤال الطبيب عن إمكانية تطبيق المواد السادة (sealent).

⚠️ خلي طعامك متوازن و قلل من عدد الوجبات الخفيفة بين الوجبات الرئيسية.

⚠️ في حال كنت بحاجة لوجبات بين الوجبات الرئيسية اختار أطعمة مثل اللبن، الجبن، الفواكه والخضار النيئة.

🔰 ليش هي بالذات ؟!
لإنها بتساعد على إزالة بقايا الطعام و بتساعد اللعاب على تعديل الحموضة يلي بتسببها اللويحة.

وهلق إنتو والعم صرتوا بتعرفوا ليش لازم تعتنوا بأسنانكم وتنظفوها دائماً، ودمتم سالمين ❤️

● إعداد : د. عمّار ديب دبّوس
● تحرير : د. نوّار أبو حسن
● المصدر العلمي :
https://wb.md/2QjwIAp

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم