●»» يـلّا عـالسريـري …
●»» يـلّا عـاللبيّـة، التشكيل والتنظيف ….
🔴 أول شي بدنـا ننبهكم لفكرة أساسية ويلي هيي :
[ التشكيل والتنظيف = البرد والتوسـيع ]🔰 بس كمصطلح جديد استعملنا التشكيل، لأننا عم نعطي الشكل المخروطي للقناة، والتنظيف لأن عم ننظف القناة من البقايا اللبية المتموتة و النسج اللبية .
🔰 عندنـا عدة طرق لإجراء التشكيل والتنظيف، بس نحنا رح نحكي على ٤ طرق منها فقط كونها هي اللي رح نستعملها :
● الــتحضير إلـو أسلوبيــن :
🔴 تاجي ذروي .
🔴 ذروي تاجي .
● وبيختلفوا عن بعض بالترتيب فقط يعني مين بدي حضر اول التاج او الذروة، وـبناءً على هالشي رح نقسم الطرق لــِ :
🔴 ذروية تاجية :
🔰 ستيب باك Step Back :
● أول فايل بدخل فيه عالطول الكامل بسميه المبرد الذروي الاولي (IAF) ( Initial Apical File)، بعدها بطلع بالقياس تدريجيا على نفس الطول تبع IAF، مع غسل و إرواء غزير بين القياسات .
● بس أخلص من كل قياس برجع للقياس الأصغر لأتأكد من نفوذية القناة، وهيك حتى أوصل للقياس اللي عم تطلع فيه البرادة بيضا ( وهاد عادة بكون القياس الرابع بعد IAF )، وبسميه المبرد الذروي الرئيسي MAF (Main Apical File ) و هو اللي بختار عليه قمع الكوتا الرئيسي، بعدين باخد القياس الأكبر من ال MAF و بحطو أقصر ب 1mm من طولو وببرد فيه وبغسل منيح، بعدها القياس الأكبر من MAF بقياسين و بنقصو عن طول MAF بـ 2mm، وببرد فيه و هكذا حتى أوصل لرابع قياس بعد MAF .
● يعني بشكل مُلخّــص :
▪️مبرد IAF وبعدو 4 قياسات على نفس الطول .
▪️مبرد MAF ( اللي هو رابع قياس بعد IAF غالباً) وبعدو 4 قياسات أكبر منو، بس كل قياس أكبر بنقص من طول اللي قبلو بـ 1mm
● وهيك بكون عطيتها شكل مخروطي باستدقاق ذروي بالحالة، وطبعاً هي الطريقة أساسية جداً بالأقنية المنحنية .
🔰 التقليدية :
● بهالطريقة بستعمل الطول العامل نفسه لجميع الادوات يعني بحط محدداتي عالطول العامل، وببلش بأصغر قياس يوصلني لكامل الطول العامل وأنا طالع تدريجيا بالقياسات و منستعمل فيها مبارد و موسعات وال k-file بالترتيب الآتي :
– [ أول شي kfile ] بحركة دوران ربع دورة مع عقارب الساعة ثم سحب أو ادخال وإخراج .
– [ تانـي شي المبرد ] بحركة ادخال و اخراج بدون تدوير منشان ماينكسر .
– [ بعدها الموسعة ] بحركة فتل ربع دورة واخراج ..
● طبعا بين كل قياس وقياس منستعمل غسل إرواء بشكل جيد جدا، وبالامكان الاكتفاء بال k-file والموسعة بس بصير عندي فعالية بالقطع اقل، بينما بزيد الأمان من كسر الأداة على العكس لما نستعمل المبرد بزيد الفعالية و بخف عامل الامان و هالشي بكررو على كل جدار من جدران القناة على حدى .
🔴 تاجية ذروية :
🔰 ستيب داون [ Step Down ] :
● تُستعـمل بشكل أساسي بالأقنية المتعفنة، حتى ما ندفع الإنتان من التاج باتجاه برا الذروة 👌 .
● أول شي رح نستعمل سنابل GG (Gates Glidden) مع الفايلات العادية .
● مندخل بفايل 15 أول شي لوين ما بيوصل معنا، بعدين بطبق ضغط ذروي خفيف عليه وبسحبو بحركات محيطية على جدران القناة كلهـم .
● بغسل منيح وبجيب [ GG القياس 1 ]، وبدخل فيها لحدود الثلث الذروي وبمررها على كامل الجدران .
● بحيب [ GG قياس 2 ]، برجع 1mm عن الطول اللي دخلت عليه بالقياس السابق وهكذا حتى خلص [ القياس 3 ] .
● بعدها باخد الطول العامل بـ K-file 15، { إذا ما دخل معي بحاول بقياس أصغر أو[ فايلات H ] وسّع نتفة لحتى اقدر دخل الـ 15 مشان دقة الطول العامل } .
● بعدها بحاول وسّـع الثلث الذروي بالـ [ H 15 ]، وبغسل منيح .
● بعدها بدخل بالـ [ K 20 ] على كامل الطول { إذا ما دخل برجع بعيد التوسيع بال K أو H القياس 15 } .
● وهيك حتى أوصل لأربع قياسات بعد أول قياس دخل معي على كامل الطول { أو لأوصل لقياس عم يطالعلي برادة عاجية بيضاء على كامل الطول } .
🔰 كراون داون [ Crown Down ] :
● بدايـةً بتعمل توسيع تاجي ( يعني للثلث التاجي) باستعمال [فايلات GT، شبيهة بالـ SX بالروتاري ]، وظيفتها توسيع المدخل لتسهيل دخول الأدوات .
● بعدين بحاول أوصل للطول العامل بفايل [ K 15 ]، وإذا ما قدرت ؟!؟
– بحاول بفايل أصغر بحيث حصّل طول عامل، وإذا كانت الأمور مستعصية باخد طول عامل أولي وبمشي عليه أول توسيع وبعدا بحاول أوصل للطول العامل النظامي يعني ..👇..
● { أنا دخلت 15، ما وصل معي عالطول، بحاول بال 10، ما وصل معي – وغالباً بيوصل – ، بحاول بال 8 أو بعتبر الطول اللي وصل عليه الـ 15 هو الطول العامل الأولي وبحاول اشتغل عليه .
● هلا أخدت الطول العامل ( لنفترض الأولي )، بجيب [ فايل 35 ]، وبحدد عليه الطول العامل تبعي وبدخلو، طبعاً هو مارح يدخل على كامل الطول لأنو قياسو كبير، فلهيك ببرد وبوسع فيه لمحل ما بيوصل .
● بسلك [ بالفايل 15، لأني معتبرو IAF ]، حتى ما يصير معي انسداد بالقناة، بغسل منيح كتير كمان .
● بعدها بدخل بالقياس الأصغر من 35 اللي هو 30 وببرد وبوسع فيه لمحل ما دخل وهكذا أنا ونازل بالقياسات لأوصل لل 15 .
● بحاول هلأ بقياس أصغر 10 أو حتى وصل للتضيق الذروي وقيس الطول العامل الحقيقي وهون بعتبر هاد الفايل اللي وصل لهالمنطقة هو IAF، ولازم وسع عند التضيق الذروي 3 قياسات أكبر من IAF والتوسيع بنفس الأسلوب { 35 لمحل ما بيدخل بعدا 30 وهكذا لاوصل لقياس ال IAF , بعدا برجع 35 بقوم بيدخل معي أكتر وهكذا لاوصل ل 3 قياسات بعد IAF } .
● آخر مرحلة هي استعمال ال GG على جدران القناة بالقياس اللي بيوصل لبداية الثلث الذروي مشان روح الدرجات المتشكلة وأعطي مخروطية للقناة .
هيك منكون خلصنا الطرق الأربع الأكثر استخداما والأشيع للتحضير بالمداواة اللبية ❤️
انشالله تكون معلـوماتنا عـم توصـل بطريقـة بسيطـة ✌😎 ..
تبقـوا بألف خيـر ..💜..
● إعـداد : د. مصطـفى عبدالقــادر سـرور .
مـيددوز ~ مصــدرك للمعلومــــات الطبيــــــة الموثوقـــــة 🛡 .
مواضيع صحة الاسنان والفم