هاد يا سيدي مو بس أنت بتمـل و بيفقع قلبك .. و رجليك كمان بتمـل ! 😬
و إلهن متلازمة خاصة بمللهم اسمها متلازمـة تملمـل الساقيـن !
✅ متلازمة تململ الساقين أو الأقدام غير المرتاحة هي اضطـراب عصـبي بيشكي المصابين فيه من إحساس بعـدم راحـة الساقين على شكل تنميل أو وخز أو حرقة و رغبة لاتقاوم بتحريكهـم والمشي لتخفيف هالإحساس !
✔️- و بتصير خلال فترات الراحـة كالاستلقاء أو مشاهدة التلفاز و أكتر شي بفترة المساء و الليـل
✅ أما عن أسبـاب المتلازمـة :
✔️- يُعتقد أنو سبب هالمتلازمة ممكن يكون خـلل دوبـاميني ( نقص الدوبامين في الجهاز العصبي المركزي )
✔️- ممكن تكون ثانوية لفقـر الـدم بعوز الحديد أو إعتلال الأعصاب المحيطية في سياق السـكري أو أمراض الكلى .
✅ طيب كيف بدنا نعالـج ملل هالرجلين ؟!
✔️- أول شي لازم ننفي الأسباب الثانوية للمتلازمة يلي ذكرناهن ؛ مثلاً إذا كانت بسبب نقص الحديد منعالجه .
✔️- أما إذا كانت أساسية ممكن نعالج بأدوية بدائل الدوباميـن (المستخدمة بعلاج باركنسون ) و غالباً بتعطي نتائج جيدة .
✔️- و كمان ما ننسى ننصح المريض بممارسـة الرياضـة المسا ( ثلث ساعة مشي مسوية) ويبتعد عن المنبهـات بالليل والعشا يكون خفيف وكمان دوش مي فاترة ممكن يكون مفيد ( إذا عنده مي فاترة )
والله يبعد الملل و التملل عنكم و عن رجليكم ❤️
منظمـة مـيددوز ~ مصـدرك الموثـوق للمعلومـة الطبيـة
(ميددوز)