بيقلك أنا رح اقتلك..وأنا سبب العديد من الأمراض
وأنت بتركض وراه..وبتدفع مصاري كرمالو
عزيزي القارئ عرفت عن مين عم نحكي ؟
الشخص الغلط؟
لا ، عم نحكي عن التدخين
على الرغم من الٱثار السلبية و المدمرة للتدخين عالجسم بشكل عام وعصحة الأسنان والفم بشكل خاص.
إلا انه ٱثار التدخين ما بتقتصر عالمدخنين فقط وإنما بتأثر عالغير مدخنين اللي بكونوا متواجدين بالقرب من المدخنين
لهيك بدراسات انعملت على أطفال
تمت مقابلة عائلاتهم وسؤالهم إذا بيدخنوا بحضور أطفالهم.
ف عملوا تجربة عأطفالهم لمدة ست شهور
قسموهم لمجوعتين..مجموعة لم يتعرضوا للتدخين بشكل قسري لمدة 6 أشهر.
ومجموعة ثانية تعرضوا للتدخين بشكل قسري.
اي شو استنتجوا ؟
استنتجوا أن 90% من أطفال المجموعة الثانية عانوا من صرير الأسنان.
بينما أطفال المجموعة الأولى فقط 38% منهم عانوا من الصرير.
طبعاً الصرير له عدة أسباب ولكن له نتائج سلبية عالمفصل الفكي الصدغي والعضلات بالإضافة للٱلام الناتجة عنه.
لهيك عزيزي القارئ المدخن…من الميددوز منقلك
اعتزل ما يؤذيك..وحافظ على صحتك وصحة اللي بتحبهم.
من الميددوز منحبكم تبقوا بألف خير
إعداد الدكتورة : رشـا عـلاء هـلال.
المصدر العلمي بالتعليقات
منظمة الميددوز ~ مصدرك الموثوق للمعلومات الطبية.
مواضيع صحة الاسنان والفم