🚩 تعليمات ما بعد القلع
️رحت لعيادة دكتور الأسنان وعندك سن لازمه قلع
و بعد إجراء القلع عطاك الدكتور مجموعة من التعليمات اللي بتجنّبنا الاختلاطات ؟!
تعالوا نحكيلكم عن شوية من هالتعليمات:
⛔️ عض عالشاشة لمدة بتتراوح بين النص ساعة لساعة بعد خروجك من العيادة…
سألت حالك ليش هي أول نصيحة بتسمعها و كتير بأكدلك عليها الطبيب؟!!
⚠️ لأن إزالة الشّاش قبل هالمدّة ممكن تسبب اختلاط شائع كتير بعد القلع واللي هو النزف لأن بإزالته بكون صار الجرح على تماس مباشر مع اللعاب واللي بسبب تحلّل للعلقة الدموية أثناء تشكلها وبالتالي بصير عندي نزف…
⛔ تجنّب التدخين بعد القلع لمدة 24 ساعة على الأقل لأن ممكن يسببلنا شي يدعى التهاب السّنخ الجاف واللي بيتظاهر بألم شديد في مكان القلع.
⛔ تجنّب المضمضة بمي وملح لبعد 24 ساعة من القلع لنسمح بتوفير بيئة مناسبة لإلتئام الجرح.
⛔ تجنّب الأكل والشرب لبعد ساعة ونص للساعتين ليكون راح مفعول المخدّر…
⛔تجنّب المشروبات السّاخنة بعد القلع لمدّة 12 ساعة لأنها بتساهم بتحلّل العلقة الدّموية.
⛔تجنّب البصق لمدة ساعتين بعد القلع بسبب تأثيره أيضاً على تشكّل العلقة الدّموية.
لذلك اسمع كلمة طبيبك لأن بخاف عليك وعلى صحتك
ودمتم بخير ❤
● إعداد و تحرير : د. سارة جوني
● المصدر العلمي : https://bit.ly/2QHXoLH
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم