1 أهم شي بتخليكن تقدموا ع المفاضلة العامة وتحجزوا مقعد بالجامعة❤
2 فيكن تقدموا فيها ع مفاضلة الموازي وهي نفس العام بالزبط بس فيها دفع تكاليف سنوية وما بيكتبوا ع شهادتكن أنو موازي 💫
3 في حال ما طلعلكن شي عالعام أو الموازي بتقدروا تقدموا ع مفاضلة التعليم المفتوح بنفس السنة اللي اخدتوا فيها الشهادة أما إذا طلعلكن شي فرع عالعام أو الموازي فيكن تقدموا عالمفتوح بعد بسنتين..
4 بتقدموا عمنح الجامعات الخاصة وهي منح تقدمها الجامعات الخاصة للطلاب مجاناً وفي ألها مفاضلتين.
5 بتقدموا ع المنح الخارجية مثلا الهند وروسيا وأيران والجزائر ومصر والعراق وبلغاريا وعمان ورومانيا بيطلبوا طلاب سوريين معهن شهادة بكالوريا ليدرسوا هنيك عحساب الدولة المضيفة وكل ما دولة عم تطلب منح عم ننزلها عالصفحة.
6 بتقدمو فيها للجامعات الخاصة والجامعات الشرعية الخاصة بس طبعا مع التكاليف وفي معاهد خاصة طبعا متل معهد تعويضات وهيك…
7 بتقدموا فيها عالجامعة الافتراضية مثلا اللي مجموعو فوق ١٩٢٠ بسجل هندسة معلوماتية
ورسومها مو عالية أبدا بالنسبة للجامعات الخاصة
8 بتقدموا فيها ع مفاضلة معهد دمشق المتوسط هو للفلسطينين بس آخر شي صاروا عم يقبلوا سوريين وفيكن تسجلوا فرع ع العام وفرع عالمعهد في ١٣ اختصاص هالمعهد واختصاصاتو واسعة .
9 فيكن تقدموا فيها عشغلات ما بتنزل بالمفاضلة متل الهندسة العسكرية والكليات الحربية والبجرية وكلية البنات والمعهند العالي للعلوم التطبيقية(بحوث علمية)
والمعهد العالي المسرحي وهيك
10 فيكن تتوظفوا بوظائف الدولة بالوزارات والمديريات كتل كل هالموظفين بس فئة تانية وإذا كملتو دراستكن وأنتو متوظفين واخدتو الشهادة بتصيروا فئة أولى، وخاصة انو صار كل سنة في مسابقة توظيف مركزية😎😎
11 في فئات ألها مفاضلات خاصة متل ذوي الشهداء( أخوة وأبناء الشهيد) وأبناء أعضاء الهيئة التدريسية( أبناء دكاترة الجامعات) ومفاضلة ذوي الاحتياجات الخاصة وهيك 💫
12 فيك تكمل دراسة برا البلد عحسابك مثلا بتدرس بألمانيا او الأردن أو روسيا أو بأي بلد
13 بمجرد حصولك على الشهادة الثانوية فأنت رح تحصل على ميزات في حال كانت بوظيفة خاصة أو وقت تمشي عالجيش بالنسبة للشباب بتروح برتبة رقيب مثلا مو مجند وحتى إذا سافرت برا البلد ممكن تفيدك
✅