من ساعات قليلة وثق أحد أطبـاء مؤسسـة مـيددوز حادثـة إجهـاض حزينة جداً لسيدة بشهرها الحملي الثالث ..
السيدة يلي إلها ” 7 سنيـن ” عم تحاول تصير أم و بعد علاج طويل و مُكلف و مُتعب .. و بعد ما زوجها باع كلشي بيملكه الله جبر بخاطرهم و حدث الحمل ..
لكن للأسف .. انتهى قبل ما يلتقوا بطفلن و يحضنوه بسبب لا يُمكن للعقل و لا للقلب تخيله أو تحمله ..
بسبب ” نبتـة ألوفيـرا ” و صلت السيدة على الإسعاف بتقلصـات رحميـة شديدة أدت لإجهـاض الجنين مع صعوبة سيطرة على النزيف ..
و بعد إجراء التقصيات و الفحوصات تبين أنو الإجهاض كان سببه تناولها لعصـير الألوفيـرا مع قطع من الخيار و النعنع و الليمون لأنو صديقتها نصحتها فيه لتحمي جلدها من تمددات الحمل !
و النتيجة كانت خسارتها للجنين بعد سنين من الانتظار .. دموعها هيي و زوجها كانو كافيين ليحكوا عن رحلة العـذاب يلي عاشوها ..
السيدة ما كانت بتعرف أنو الألوفيرا فيها مادة شبه سائلة تدعى ” لاتكـس ” موجودة بين القشر و الهلامة .. و هالمادة تُعتبر مليـن شديـد و بتسبب تقلصات عضلية شديدة ممكن تسبب إجهاض للحامـل !
و اعتقدت أنو الألوفيرا نبتـة سحريـة .. ما بتحوي إلا فوائد و هيي مجرد هلام !
و نظراً لأهميـة الموضوع و خطورتـه فعلاً ؛ رح نكون معكم بكرى بمقال شامل عن الطريقـة الصحيحـة لاستخدام الألوفيرا و مضارها ..
مندعي الله يجبر بخاطرهم و يعوضهم عن خسارتهم اليوم رغم إنها لا تعوض ..
لكننا قررنا نساعدهم ضمن مشروع أحمد – Ahmad Project و نحمل معهم قسم من تكاليـف العـلاج و عملية طفـل الأنبـوب لو احتاج الأمر ..
أُمنياتنا بالصحـة و السلامـة للجميع ❤️
مؤسسـة مـيددوز الصحيـة
(ميددوز)