ده لو اتساب لا ده انا يجيلي تعب أعصاب …
مثل ماقال عمرو دياب هيك بكون الألم اللبي …
طب واعمل ايه ؟؟؟
هي خلوها علينا وتعالو نتعرف بهالبوست عـ إلتهاب اللب الردود :
هون مريضنا العزيز رح يحس بألم قصير وحاد بيتحفز بوجود عامل معين وبزول الألم فور زوال العامل ( البارد أو الحلو أو الساخن )
بيتأثر أكثر بدرجات الحرارة المتطرفة يعني الآيس كريم بأثر أكثر من مية الحنفية
بعض أسبابه تسوس الأسنان أو وجود ترميم عميق
هوي التهاب خفيف بعصب السن قادر على الشفاء بس يروح العامل المخرش
بحال وجود هي الأعراض بالإضافة الى الألم عند العض هالشي بدل على حدوث صدع بالسن او بالترميم
طيب شو العلاج يا ميددوز ؟!
أول شي لازم نشيل العامل المحفز يلي سبب هالتهيج والألم ونعالج السن بطريقة محافظة ؛ ومهم نراقب السن مؤقتاً
في حال بقي الألم والأعراض و تفاقمو هون صرنا بحالة التهاب غير ردود ساعتها منساوي معالجة لبية يعني سحب عصب
وَ منّـي ومن الميـددوز ؛ كل الحب والسلام
– إعـداد : د . مـاسـة أكـرم نعـيم
– المصـدر الـعلمي : Wiley online library
” رابط المصدر بالتعليقات ”
منظمـة مـيددوز ~ مصـدرك الموثـوق للمعلومـة الطبيـة
منصة صحة الفم السورية
مواضيع صحة الاسنان والفم