شرط الألفة هوي رفع الكلفة ….
بعيادة أي طبيب ممكن تنسأل أسئلة تحسّها غريبة ما تعرف غايتها بس اللي لازم تعرفوا كمريض أنك مفروض تكون صادق ودقيق بأي جواب بتعطيه لطبيبك … وتأكد أنو كل الأطباء حافظين للأسرار، ليست غاية الطبيب الاستجواب 👌.
القصة المرضية
مجموعة من الأسئلة بيطرحها الطبيب لحتى يعرف شو هيي الشكوى الأساسية عند المريض، بالإضافة لبعض الأمراض التانية اللي ممكن تعاني منها كـَ { الضغط/ السكري/ القلب/ أمراض عصبية كالصرع } .
⛔ شو هيي الأسئلة اللي بتنطرح عليك ؟!؟
▪️اسمك .
▪️عمرك جاوبو بدقة يا سيداتي عم يسألكن طبيب ليس شخص آخر .
▪️وزنك .
▪️مكان السكن .
▪️منطقة الألم والأعراض يلي بتعاني منها .
▪️أنواع الأدوية يلي بتاخدها بشكل دائم [الأدوية المميعة و الكوتيزونات] في حال كنت تشكو من مرض معين ومعرفة كل الأمراض الغير السنية اللي ممكن تكون عندك .
▪️المريضة حامل أو مرضع .
و ع أساس جوابك ع هي الأسئلة بتتحدد خطة المعالجة .
⚠️ لهيك جاوب ع أسئلة الدكتور السابقة وأي سؤال بيطرحو عليك بكل موضوعية وشفافية لحتى نضمن نتيجة بترضينا وخلي ببالك « لا حياء في الطب » ❤️ .
⚠️ أول جلسة ادخلوا لعند الطبيب لحالكم لحتى نجاوب الدكتور ع كل اسئلتو بصراحة، وما يصير أي إحراج اذا كان معنا شخص تاني .
⚠️ كتير من الحالات الخطيرة بتصير بعيادات أطباء الأسنان سببها أنك خبيت معلومة صغيرة ممكن الطبيب يحللك ياها و يحميك من آثارها بإجراء بسيط قبل بدء المعالجة .
⚠️ كلنا مرضى …
رجاءً مرضى السكري والقلب والصرع وغيرو …. خلّوا علم عن طبيبكن بكلشي بخصّكن «المرض مو عيب » .
مقال مُستوحى من واقع … وعم يتعرضلوا أغلب الأطباء بعياداتهم 💔 … لا تنسى علاقتك بطبيبك علاقة ثقة .
تبقوا بألف خير ..❤
● إعداد : الدكتورة هلين رحال .
● تحرير : د. آيـة معن محمود .
● التدقيق العلمي : د. عمرو هنيـدي .
● المصدر العلمي : https://bit.ly/3dgjoW3
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة ❤️.
مواضيع صحة الاسنان والفم