عند قلبي دوست Enter قولت خلي الشوف يفور
وانتي دايمًا عند قلبك دايسة Alt وF4 😂
حاولي مرة تـMaximize شاشة الحب اللي داب
ولما تبقى جوة قلبي دوسي Alt ودوسي Tab
تلقي يمكن خمسة Window جوة قلبي مفتوحين
وWindow للأحزان والباقي حب غيرة شوق حنين
نفسي أترقى في قلبك وأملى كل الدنيا حب
لو أنا في Start Menu، نفسي أكون ع الـDesktop 😂
وأرجع أسمع تاني مرة كلمة ياما اترددت
بصي بصة جوة قلبي تلقي فيه مكتوب Edit
ليه يضيع الشوق مابينا والغرام والإحساسات
اللي قسوكي عليا دول أساسًا فيروسات
ياما بين قربك وبعدك فوقت ورجعت اتسطلت
كل ما أفتح Window بيننا إنتي تيجي تدوسي Alt
وأما أقول قلبك هيرجع قلبي بيقول مافتكرش
فين حنانك دوست F3 عشان أعمله Search
طالبة حب بدون حنان، انتباه يعني Attention
تلقي فايلي إزاي يا ناسية الـName وناسية الـExtension 😂
إنتي حبك جوة قلبي ياما غنى وياما نط
ليه أنا قلبي في حياتك حتى مالهوش Shortcut
الحبايب جوة قلبك من الزحام اتمرمطوا
غيري قلبك يا إما، اديهوني أفرمته
كنت فاكر إن حبك عمر ما شيء يهدمه
شهر وإتأكدت فعلًا إن حبك كان Demo
فاضل إيه بعد الأغاني الحلوة إلا خصام وعند
علميلي ع اللي فاضل بيننا، دوسي Shift End
قبل ما الأيام تـDelete قلبي بالحب اللي فيه
كنت دوسي Ctrl مع S لأجل تسيفيه
بطلي شغل الملاوعة، أصلي ناصح مش دُغف
وإرجعيلي أحسن أزهق أعمل Turn Off
الجينيص