يا حرام لوين وصلنا صار الواحد ليجمع لايكات و متابعة بيتسلق على حالات معترة من هالمجتمع !
اليوم شفت بعض الصفحات حاطين إسم و كنية و صورة و السيرة الذاتية للصبية لتركت الطفلة على باب المشفى باللاذقية .
ما فهمت نحن شو منستفاد إذا عرفناها مين بتكون ؟!
شو بتفرق معنا سيرتا الذاتية ؟!
يلي عرفوا و عرفوا أسبابا لي دفعتا تتخلى عن الطفلة كان الأولى يساعدوها و يأمنوها بدار رعاية لإعادة التأهيل بدل ما يفضحوها !
مفكرين حالون ناشطين إجتماعيين و عم يدافعو عن الطفلة بهالطريقة و هنن عم يئذوا أكتر و أكتر !!
يومياً بيخلق مئات الأطفال بظروف قاهرة ، يومياً بتم التخلي عن عشرات الأطفال ساهموا بحل المشكلة الحقيقية لهالظاهرة بدل التشهير فيون .
١-اسمحوا للأم تسجل الطفل على إسما في حال الأب مجهول أو ناكر الطفل
بهالزمن الرديء و الإنحدار الأخلاقي ما عم تزبط تعتبرو مجتمعنا محافظ !!! عدلوا هالقوانين عالقليلة
٢- عطوا للأم مصروف لكل طفل تماماً متل بالدول المتطورة
٣- الأم يلي ما إلا مُعيل و عندا أطفال أمنولا سكن (غرفة )
عمرو كم بناية بشي أرض من أراضي الدولة و لكل أم مع أطفالا عطوون غرفة !
كمان متل البلاد المتطورة لبتحترم الطفولة و الإنسان
٤-أمنولون دورات تمكين و فرص العمل أي إنسان بس يشتغل تلقائياً رح يأسس حالو و بيسعى ليطلع من السكن و يستقر ببيت أكبر و أفضل و يترك مجال لحدا تاني يستفيد من هالمكان ..
و كتير إقتراحات لحل هالظاهرة ..
المهم هالطفلة بمكان آمن و أفضل دار بسورية تبناها أنا واثقة رح تكون بخير بس حاج تتاجرو بسيرتا
و عيب ينفتح مجال للتعليقات السيئة من قبل ضعاف النفوس ..
أ. عليـا خـير بيـك
(ميددوز)