الرئيسية / طب وصحة / صباحكم ابتسامة لطيفة بالصيدلية بيمر عليي مريض أخوه واصفلو

صباحكم ابتسامة لطيفة بالصيدلية بيمر عليي مريض أخوه واصفلو



صباحكم ابتسامة لطيفة 😁🤷‍♀️👇
بالصيدلية بيمر عليي مريض أخوه واصفلو دوا من خبرتو .. أو يمكن بدو دوا قايلو عنو ابنو ..زوج عمتو .. مرت خالها ..رفيقو بالدوام … معلمو بالشغل .. الصبية اللي بتشتغل عندو بالمحل … الكومجي الي عم يصلح عندو سيارة.. الكوافير اللي عاملة عندو شعرها..
كل العلاقات الاجتماعية وصلات القربة ممكن توصف لبعضها ويقتنع المريض بوصفها..
إلا علاقة وحدة ولا مرة مرت عليي وصفة عن طريقها وهي انو مريضة تاخد دوا ناصحتها فيه حماتها أو كنتها … هي العلاقة الاجتماعية الوحيدة يمكن اللي بتحترم اختصاص الصيدلة وما بتتدخل بشؤونها … ولهيك غالباً حطو رمز هالعلاقة شعار للصيدلة😂😂
الصيدلاني ثائر حماد


(سماعة حكيم)