🔰 تبقى البدايات هي الأجمل …
عزيزي طالب طب الأسنان، إذا كنت سنه رابعة معناها يلا عالسريري مع الميددوز .
وبداية مشوارنا رح تكون مع المداواة الترميمية ..
⛔ شو رح تتعلم كطالب سنة رابعة بهي المادة ؟!؟
البطاقة فيها قسمين،قسم أملغم و قسم كومبوزيت ..
⚠️ بـالأملغم : عنّـا صنف أول صنف تاني صنف خامس .
⚠️ بالكمبوزيت : عنّـا حالات أمامية «صنف رابع صنف تالت» إضافة للصنف الأول التاني والخامس .
ورح نشرحلكم عن كل حالة بالتفصيل ببوستاتنا القادمة 😉.
⛔ شو الأدوات يلي بتحتاجهـا بالمداواة الترميمية ؟!؟
بهي المادة في مجموعة أدوات رح ترافقك بشكل مستمر ويلي هيي :
⚠️ أدوات الانفكشن كونترول : [ كفوف، كمامات، مطهر سطوح، شانة مريض، شانات صينية، رول نايلون، صابون سائل ].
⚠️ أدوات التحضير : [ قبضة التوربين، سنابل شاقة بقياسين وقمعية وكروية، قبضة الميكراتور مع سنبلة كروية، ومحولة للميكراتور ] .
⚠️ الأدوات المعدنية : [ مجارف عاج بقياسين صغير ووسط، مساند mo(جزئية) -(كاملة)، mod، شرائط معدنية، المحقنة، وأداة تبطين ] .
⚠️ أدوات لحشوات الأملغم : [ جرن أملغم، مدفع أملغم، مدك، مصقلة، منحتة، منحتة للميازيب ] .
⚠️ أدوات لحشوات الكومبوزيت : [ أداة حشي مواد لينه منها المعدني و منها البلاستيكية ] .
⚠️ الحاجز المطاطي : مشابك بمختلف قيساتها، مثقب، حامل مشبك،القوس الوجهي، المطاط .
⚠️ ●»» ورح تحتاج لكبسولات أملغم، قطن رول، مقطنه وقطن عادي، شرائط سيلوئيد، كومبوزيت، مخرش،بوند وفراشي للبوند، أوتاد خشبية، حشوة مؤقته، لوح زجاجي، أمبولات تخدير، ورؤوس أبر طويل و قصير .
وهلا استعد بكامل حماسك لتستقبل أوّل عمل سريري الك وتذكر أنو الميددوز جاهز لأي استفسار يسهّلك طريقك ❤…
⚫ إعداد : د.رامه جبري.
مواضيع صحة الاسنان والفم