طرق لتكبير الشفاه

كلنا عم نحضر مسلسل” على صفيح ساخن”😍 وكلنا شفنا آناالسيد بدور داريين.. وحفظنا جملة سلوم حداد: (انا مع دارين )😁

داريين اللي كلا عمليات تجميل🙂 وخاصة تكبير الشفاه اللي رح نحكي عنو اليوم

❗️عنا عدة طرق لتكبير الشفاه👄
ومن هالطرق قلب الشفة
شو يعني⁉️

⬅️هوي إجراء تجميلي سريع وغير جراحي مدتو بس 10 دقايق 👌منستعمل في كمية قليلة من البوتوكس لتصير الشفة العلوية 💋أكثر امتلاء وبتظهر نتائجو بشكل واضح بعد 10 ل 14 يوم من العملية
⬅️نتيجة العملية بتدوم من شهرين ل 3 أشهر👍 مو متل الفيلر اللي بدوم سنة أو أكثر

⬅️الحقن بكون بمنتصف الشفة العلوية بمنطقة اسما قوس كيوبيد وكمان بزوايا الفم

هاد الحقن رح يعمل ارتخاء بالعضلات حول الشفة 👄فبينقلب الجزء من الشفة العلوية اللي جوا تمك لبرا ولفوق(تخيلتوا الوضع😅) وهيك بتبين الشفة أكثر امتلاء بدون ما يزيد حجما على عكس الفيلر اللي بزيد حجم الشفاه وبغير شكلا وهون بتكون مادة الحقن هيي حمض الهيالورونيك

⬅️هلق قبل العملية ب 3 أو 4 ايام إياكن تشربوا كحول أو تاخدوا مميعات دم متل الأسبرين💊 لأنو بتزيد التورم😱

⬅️ومن كتر ما هالعملية بسيطة ممكن الدكتور ما يخدرلك الشفة👍 لأنو ما كتير بتوجع وبعد العملية فيكي تكفي نهارك طبيعي حتى لو شفتك مورمة شوي
⬅️بعد العملية بعدي عن التدخين 🚬
واياكي تدلكي شفايفك❌ لأنو بينتشر البوتوكس
وحاولي نامي عظهرك كم يوم منشان ما تضغط المخدة عشفايفك

⬅️منجي للآثار الجانبية
متل ما حكينا قلب الشفة آمن بشكل عام وما إلو مخاطر
بس ممكن يصير تورم خفيف أو كدمات بمكان الحقن😕
وإذا كانت جرعة الحقن زايدة شوي رح تحسي بارتخاء الشفتين كتير وممكن يكون في صعوبة بالبصق والصغير ونطق كلمات معينة 😔
وكمان بصير صعوبة بإنك تحافظي عالمي جوا تمك بعد ما تشربي🤭
طبعاً هي الأعراض كلا بتهدا بعد فترة👌
✔️وفي حالات نادرة بصير فيها صداع وحمى وقشعريرة أو تسمم غذائي😢 وبهالحالة راجعي الدكتور فوراً

وبالآخر 🔚أكيد ما في متل الجمال الطبيعي 😍👍
تضلوا بخير❤️وجمال وجوهكن ينعكس عقلوبكن❤️
مسابقة ميددوز
● إعداد و تحرير : د. لجين عماد الحسين
● المصدر العلمي :
Sign up for newsletters
https://www.healthline.com/newsletter-signup

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .

مواضيع صحة الاسنان والفم