عادة دفع اللسان

🚩 بتعرف شو ممكن يعمل لسانك؛ لما يعلن التمرُّد عليك ؟!؟

رح يبلش دفع وتدفيش بأسنانك، و علمياً رح نصير أمام 👇 ….

{ عادة دفع اللسان }

⛔ حالة يضغط فيها اللسان ع الأسنان للأمام بشكل كبير،
مُسبباً مشكلة، اسمها العلمي العضة المفتوحة .

⛔ أكثر شيوعاً عند الأطفال [ البيبيات الصغار ]، خاصة بفترة الرضاعة الطبيعية أو الصناعية، وتكون طبيعية جداً، بسبب البلع البدئي عندهم، لكـن يجب الانتباه لضرورة تطور البلع مع تقدم الطفل بالعمر .

⛔ سبب هالمشكلة سواء عند الصغار أو الكبار هوي إمّـا :

⚠️ عادات البلع السيئة .

⚠️ الحساسية .

⚠️ ربط اللسان (بكون فيها اللجام تحت اللسان مشدود او قصير )…

⚠️ حجم اللسان الكبير أيضاً ممكن يسبب دفع لساني .

⚠️ بالإضافة لمص الأصبع كعادة على المدى الطويل .

⛔ سواء كنت طبيب أو شخص عادي ممكن تشخص الإصابة بهالمشكلة في حال :

⚠️ رؤية اللسان بين الأسنان سواء كان الطفل بوضع الراحة او البلع او التكلم .

⚠️ التنفس الفموي .

⚠️ عدم القدرة على إغلاق الشفاه تماماً .

⚠️ عضة مفتوحة ( مابكون في تلاقي بين الاسنان الأمامية وقت منغلق الاسنان ع بعضن)…

⚠️مشاكل بالمضغ .

⚠️مشاكل بالنطق وممكن تبديل الأصوات s و z هوي شي شائع .

⛔ دفع اللسان هو حالة قابلة للعلاج، ويفضل باكراً، ويمكن الوصول للشفاء التام بشكل عفوي ودون تداخل الطبيب

☝🏻 … لكـن إذا استمرت المشكلة بعد عمر 6 سنوات لازم نستشير طبيب الأسنان ونحصل على العلاج المناسب، اللي بيتحدد حسب العامل المسبب … أغلب الحالات بتحتاج إعادة تأهيل لوظيفة اللسان، وفي حالات بتحتاج جهاز تقويمي اسمه ” كابح اللسان ” .

لا تخلي لسانك يتمرد عليك 😎 ….
تمرد عليه أنت وزور طبيب الأسنان ❤ ….

دمتم بخير ❤ …..

● إعداد : د. زهـراء محمد النجار .
● تحرير : د. آيـة معن محـمود .
● التدقيق العلمي : د. عـمرو فـهد هنيدي .

● المصدر العلمي : https://bit.ly/3rRcPxm

🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة.

مواضيع صحة الاسنان والفم