هاتي ايدك ليلة عيدك🥳
هاتي ايدك لنشبكها بأيدنا ونساعدك لتكوني انتي وطفلك بصحّة أفضل..♥️
🚩 سلسلة: الصّحة الفمويّة في إطار الأمومة…
البوست الخامس بعنوان:
عادة مصّ الإصبع…
🔰 ك طفل لسا أسنانو والهيكل الوجهي بمرحلة تكوين نحنا أمام تحدي كبير لنمنع الطفل من هالعادة😷…
طيب بأيَّ عمر لازم طفلي يتوقف عن عادة مص الإصبع ❕❕
هالعادة طبيعية ل عمر سنتين أو ثلاث سنوات أو حتى خمس سنوات قبل بزوغ أي سن دائم …
❎لكن بمجرد استمرار الطفل بعادة مصّ الإصبع بعمر خمس سنوات فما فوق نحنا هون أمام تحدي كبير وبحاجة مساعدة طبيب أسنان وممكن طبيب نفسي …
🔰ولأنك ماما الحلوة أكيد ح تفكري بطرق لتساعدي فيها طفلك🥰 ؟
منها التعزيز الإيجابي بمدح الطفل أو تقديم هدايا بحال توقف عن مص إصبعتو…
أو معرفة الأسباب للي عم تخلي طفلنا يتوتر ويزعل ونحاول نخفف منها ونضمو ☺ ونحسسو ب الأمان و الراحة و الحب …
❎ ويجب الحذر من التوبيخ أو السخرية أو التهديد لأن وقتا نفسية الطفل ح تتعب بزيادة …
🔰نحنا من واجبنا ك أطبّاء أسنان نساعدك ونعطيكي حلول تريح مشاعرك ومشاعر طفلك 💚
منها دهن الإصبع بطعم مر أو وضع ضمادة على الإبهام أو تغطية الأيدي بجوارب أثناء النوم ..
السؤال بكون من الأمهات دائماً
دكتور شو ممكن تأثر هالعادة ع أسنان طفلي ❕❕
ياماما ياحلوة هي عادة بتسبب انهيار بالقوس السني وبروز الأسنان العلوية للأمام و تراجع فك سفلي للخلف مع ارتفاع سقف الحلق ومشاكل صحية مرافقة منها التنفس الفموي لأن مابيبقى في عضّة 😬 …
☑️ أهم خطوة إلك ك أمّ تساويها تضمي طفلك بحنية وتشجعيه وتراقبيه ل عمر معين مع رعاية واهتمام وتغذية صحيحة…
الميددوز بحبّك وبحبّ طفلك … ♥️
● إعداد وتحرير : د. غزل برهوم
● المصدر العلمي : https://www.mayoclinic.org/ar/healthy-lifestyle/childrens-health/in-depth/thumb-sucking/art-20047038
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
عيد الأم
mothersday
مواضيع صحة الاسنان والفم