🚩علاقة بين ال داء السكري و فرشاة الأسنان❕❕
أول شي رح نحكي عن علاقة السكري ب صحة الفم
ارتفاع نسبة السكر بالدم عند مرضى السكري الها تأثيرات عَ صحة الجسم ككل بس ياترى حدا من قبل ضوّالكم عَ تأثيرات هالارتفاع بصحة الفم !!
⛔ من أبرز آثار السكري على الصحة الفموية:
🎗️ جفاف الفم نتيجة نقص إفراز اللعاب وهاد الشي بأثر سلباً وبزيد نسبة النخور السنية في ظل غياب العناية الفموية (لأن اللعاب الو دور كتير كبير بحماية الأسنان من النخر)…
🎗️مرض اللثة المبكر (التهاب اللثة)
🎗️مرض اللثة المتقدم (التهاب دواعم الأسنان)
🎗️ القلاع الفموي
⛔ طيب كيف بدنا نحمي حالنا!؟
🎗️لازم نلتزم ب طرق السيطرة ع مرض السكري ليصير مضبوط والقيام بالتحاليل الدورية والمراقبة واتّباع إجراءات الطبيب…
🎗️نقوي علاقتنا بفرشاة الأسنان و تصير Best Friend
ونستعملها على الأقل مرتين باليوم للحفاظ على صحة فموية جيدة…
🎗️ الخيط السني كمان خلوه صديق لالكم مشان ماتزغل الفرشاة لأنهم Best friends من زمان 😂…
🎗️لازم نتجنب التدخين قدر الإمكان ☝🏻…
🎗️لازم نراجع طبيب الأسنان بمواعيد منتظمة و دورية ونتأكد انو الطبيب بيعرف ب إصابتنا بالسكري ل يعطينا تعليمات بتفيدنا وبتحمينا 😌…
وبالأخير خلي علاقتك الأقوى مع نفسك واكتشف الأمور المفيدة لصحتك و تمسّك فيها وبعد عن كلّ شي ممكن يضرها لانو انت اكتر حدا سند لنفسك … ♥️
● إعداد وتحرير : الدكتورة هلين يوسف رحّال
● المصدر العلمي :https://www.mayoclinic.org/ar/diseases-conditions/diabetes/in-depth/diabetes/art-20043848
🚩اعـتماد : ” مِنصَّـة صِحـة الـفَم السوريَّـة – MedDose ”
المتخصصة بنشر كُل ما يتعلق بطب الأسنـان والصحـة الفمويـة ومُحاربة المُعتقدات الطبيـة الخاطئـة .
مواضيع صحة الاسنان والفم