ميددوز || فشل التخدير الموضعي المرتبط بال الالتهاب
رحت لعند الدكتور وأنا موجوع و ضربني هالمرة أربع أبر ل اتخدّر وما مشي الحال… لآخر شي عطاني ابرة تخدير (ناحي) هيك حكا اسمها
وجعني كتير 😞…
طيب ماشي بس شو السبب ل يخلي الدكتور بحالتنا هي يعطيك أكتر من حقنة تخدير موضعي أو يلجأ لحقنة تخدير ناحي بحالة علاج سني بسيطة ‼️
هون منجي ل ظاهرة:
🚩 (Local anesthetic failure associated with inflammation)
🚩 ( فشل التخدير الموضعي المرتبط بال الالتهاب)
ونحنا عم نشرح عن هالظاهرة رح نعطيكم فكرة عن حقن التخدير الموضعي…
⛔بحقن التخدير الموضعي (بالارتشاح) 💉 :
منحقن المخدر فيه بوسط قريب من النهايات العصبية المستهدفة وبكون من وظيقة المخدر يوصل لهي النهايات ويشتغل شغلو …
⚠️ بس ببعض الأحيان الوسط المحتضن للنهايات العصبية الهدف بكون وسط التهابي (نتيجة تطور آفة سنية وامتدادها للنسج حول الذروية) وبالتالي وسط حامضي…
⬅️ بالوسط الحامضي كتيبة التخدير المسؤولة عن نقل المخدر للمنطقة الهدف بتتعطل وبتفشل بأداء المهمة ولهيك بالمحصلة بصير عنا تأخير أو فشل بالتخدير…
وبهيك حالة منلجأ لنوع آخر للتخدير الموضعي وهوي
⛔ التخدير الموضعي (النّاحي) 💉:
منحقن بمنطقة بعيدة عن منطقة الالتهاب مستهدفين فرع من العصب او العصب كاملاً ومنخدر من خلالو مناطق كبيرة بتوصل ل نصف الفك السفلي ببعض الحالات…
⬅️وكتيبة النقل بالمخدر بتأدي مهمتها على أكمل وجه لأن صرنا بعاد عن وسط الالتهاب الحامضي…
🔰وهيك ولحتى نحافظ عَ صحتنا النفسية…
لازم تكون الصحة الفموية جزء من ثقافتنا الحياتية ونمنع أيّ مسببات ل تردي الحالة السنية…
ونزور طبيب الأسنان كل فترة حتى بدون ظهور أعراض مؤلمة… ❤️
● إعداد وتحرير : د. مهنّد مالك حمود
● المصدر العلمي :
https://www.ncbi.nlm.nih.gov/pmc/articles/PMC3218719/
مسابقة ميددوز
🚩 اعـتمادُ ” مِنصَّـةِ صِحـَّةِ الـفَم السوريَّـة – MedDose ”
المتخصِّصةُ بنشر الموثوقِ من طبّ الأسنـان و اختصاصاتهِ ومُحاربةِ المُعتقداتِ الطبيـَّة الخاطئـة .
مواضيع صحة الاسنان والفم