فيلر الخدود

هلّق رح نشرحلكن شوي عن فيلر الخدود…

لأنو :
1 إجراء سهل وسريع وبصير بالعيادة بدون جراحة ، مابدو غير تخدير موضعي وأحياناً بدون لأنو المادة المخدرة بتكون مخلوطة مع المادة الحاشية (الفيلر).

2 بيستغرق 48 ساعة لحتى يستقر بالوجه وياخد شكلو…يعني نتائج سريعة…

3 يُستخدم لإضافة حجم للوجه ورفع عظام الوجنتين وإخفاء الخطوط الناعمة والتجاعيد.

طب شو المادة هي؟ يعني شو في بقلب الحقنة؟

غالباً المواد المستخدمة بحشو الخدود وتحت العين هيي حمض الهيالورونيك
أو حمض البولي لاكتيك

شو بدكن بالأسماء ..خلص احفظو فيلر😂

بس معقول ما إلو سلبيات هالمحبوب هاد؟
أكيد متلو متل غيرو..الو إيجابيات وإلو سلبيات..
ولكن بشكل عام يُعتبر إجراء منخفض المخاطر..

يعني ممكن يصير معنا تورّم احمرار كدمات أو تحسس من المادة الحاشية.
وممكن يصير في تسرّب للحشوة أو هجرتها لمكان تاني بس لاتخافو لأنو سنتين زمان وبيتم استقلابها وبتروح من الوجه .

طيب وفي حال حقناه وماحبينا شكل وجهنا الجديد..فينا نشيلو؟ متل ما قالت دنيا بطمة إنها عاملة؟

طبعاً فينا…وبإجراء بسيط كمان ألا وهو حقن مادّة تدعى هيالورونيداز، يللي بتفكك المادة المالئة في حال كانت حمض الهيالورونيك..

وهلّق خبرونا ياحلوين؟ معقول تفكّرو بالفيلر ؟ أو مقتنعين بجمالكن😍
؟

وعن شو بتحبو نحكيلكن المرات الجاي👀.

من الميددوز كلّ الحبّ ❤️

إعداد : د. مايا كاسر نادر.

مــــيددوز ~ مـــــصدرك للـــــمعلومات الـــــطبية الــــــموثوقة 🛡

مواضيع صحة الاسنان والفم