في جرح و تارك اثر
روحي تركتك للفراكشنال و عنو انا جاي اكتر خبرك🙊🙈 هي لحن وائل كفوري بعد ما انضم للميددوز 💃😂
من منطلق اكتر شي بيحس فيك و بمشاعرك هنن بشرتك و كولونك العصبي جينا نخبركون ع اهم تقنية عاملة غزو للساحة🔥
فراكشنال ليزر
هو تقنية حديثة يعمل على تقشير دقيق و احداث تلف حراري مدروس بشكل اعمدة ضمن مربعات صغيرة (المريض بعد الجلسة بيكون وجهو متل يلي واقع ع الحصيرة يلي كنا نقعد عليها ببيت العيلة 😂) تؤدي الى :
💙تحفيز و تنشيط تشكيل طبقات جديدة من البشرة
💙 ازالة التجاعيد و الندب
💙ازالة اثار حب الشباب و الحروق و تنشيط الكولاجين
التقنية بتسبب حس وخز و حرق خفيف بالتالي لازم نستخدم كريم مخدر موضعي قبل بنصف ساعة
بعد الجلسة حيكون في احمرار لمدة ٣ الى ٤ ايام ثم بيقلب برونز و بيغمق بعدا بيبلش التقشير
بيلاحظ المريض الفرق من اسبوعين و بيستمر ل٦ اشهر. مع اضافة بعض المرممات و المرطبات من قِبل الطبيب
و الاهم هو الواقي الشمسي لان البشرة بتكون سوبر حساسة لاي حرارة (حتى البخار الساخن)
طبعا يحتاج المريض كذا جلسة حسب الحالة و هاد بيقررو الطبيب المعالج
و هيك صار فينا نقول كلّو طبيعي تفاحة و لترين مي و كم جلسة فراكشنال😁
إعداد و تحرير : الدكتورة ميار صالح
المصدر: https://derma-health.com/
https://dermnetnz.org/topics/fractional-laser-
treatment
منظمـة مـيددوز ~ مصـدرك الموثـوق للمعلومـة الطبيـة 🛡
(ميددوز)